Diahuebs ultimo, dia 3 di october, Minister dr. Armando Lampe a topa cu muchanan y staf di Scol Caiquetio, cu den cuadro de celebracion di Dia di Bestia, a organisa un dia di excursion na Playa. A pasa na cada un di e cabaynan blauw den caya y a conta e studiantenan mas di nos bunita historia di Paardenbaai y e cabaynan blauw den Caya.
Cada klas a haya e tarea pa presenta un cabay, na un manera creativo. Di e forma aki, e muchanan por ser conoci cu e 8 cabaynan, cu ta resalta den playa, specialmente pa nan color asina briyante.
Lampe a presencia momento cu 2 klas a presenta e dos cabaynan cu ta banda di Bestuurskantoor. Lampe a saluda nos futuro generacionnan y a gradici e staf y esunnan cu ta coopera, pa educa nos muchanan. Na final Minister a desea a gradici nan pa e oportunidad pa por a saluda nan. Despues di a saluda Lampe, e scol a sigui cu nan excursion y programa.
