Diabierna ultimo Minister Armando Lampe un biaha mas a haci un reparticion di digiboards na diferente scol publico. Un biaha mas a acerca comercio y e compania Arubano Italo Arubano, bou maneho di Gregory Tromp a saca un man y a coopera cu transporte.

Segun e comunicado cu Bon Dia a ricibi ta indica cu ainda falta algun digiboard mas pa entrega y lo sigui acerca comercio pa asina trata di haya e apoyo necesario cu falta. Tambe esunnan cu tin e posibilidad pa yuda cu transporte, por tuma contacto cu oficina di Minister Lampe of cu Directie Onderwijs y tuma contacto cu sr. Danny Maduro, pa por planea e logistica di e repartimento di e digiboardsnan cu falta ainda.

Minister Lampe ta lamenta enormemente e vandalismo cu a tuma luga na Scol Cacique Macuarima na Sta. Cruz. Esaki por wordo categorisa como un crimen contra enseñansa.  Minister Lampe ta apela na comercio tambe pa duna apoyo pa reanuda e lesnan lo mas pronto posibel door di yuda reconstrui e klasnan cu a wordo destrui cu tambe mester ekipa tur e klasnan cu nan respectivo materialnan.  Minister Lampe ta agradeci cu esunnan cu ta aporta cu enseñansa y ta sigui apela na otronan cu tambe kier yuda cu nan granito di arena.

“Mi ta sigur cu comercio y mayornan lo sa di sostene e reconstruccion y ta spera cu algo asina aki, nunca mas ripiti”, Minister Lampe a expresa

LEAVE A REPLY

Please enter your comment!
Please enter your name here