24nov. JM. Paul Croes (2).JPG

Manera Minister Paul Croes a anuncia recientemente cu lo e bolbe mesa di dialogo cu e sindicatonan pa asina sigui discuti e cambionan den e codigo civil di Aruba. 

Durante e siman tras di lomba Minister di Labor drs. Paul Croes hunto cu mediador di Gobierno sr. Anselmo Pontilius a reuni cu e organisacion sindical pa asina discuti e proposicionnan di cambio pa e 1613x. Esaki ta un cambio den e codigo civil pa locual ta e contractonan laboral. 

“Mi ta contento di mira e sindicatonan uni na e momentonan aki. Ta haci e dialogo uno hopi mas habri y transparente. Mi a informa e sindicatonan cu mi no a sinti cu lo tin apoyo politico pa e cambio cu mi a propone inicialmente, pa tal motibo nos kier logra yega na alternativanan cu e sindicatonan. Nos a logra hopi consenso den e Tripartiet pero riba un punto, esta e 1613x, nos no por a haya tur hende riba un liña”,Minister di Labor e duna di conoce. 

” Mi meta ta keda pa apoya mas tanto hobennan pa yega na un empleo fiho. Tambe mi ta sigui bringa pa yuda esunnan den onderstand haya un trabou. Nos no mester lubida e 50-plussers cu tambe na e momentonan aki no ta haya trabou facil y hunto cu e sindicatonan uni nos lo mester logra esaki”, Minister Paul Croes a mustra.

Minister Paul Croes a mustra e sindicatonan cu e cambionan cu el a propone ta cu e gruponan aki den mente. Na momento cu comercio tin e opcion di por traha cu personanan cu contracto pa tempo defini (sea 6 luna, 8 luna of 10) pa un maximo di un aña y maximalmente, un contracto, e oportunidad pa e personanan aki lo bira mas grandi. “Awendia un dunado di trabou por contrata un trahado pa 8 of 10 luna por medio di un uitzend bureau. 

E contractonan corto lo ta basicamente haci esaki pa medio di un contracto, kiermen lo no ta algo nobo”, Minister Paul Croes a mustra. Hopi biaha e dunadonan di trabou kier evalua un trahado pa un periodo un poco mas largo pa asina duna un contracto fiho. 

E reunion a bay den un hopi bon ambiente y a keda di trece alternativanan pa asina hobennan, personanan di edad, cu limitacion y den onderstand por haya mas oportunidad pa subi e mercado laboral.

LEAVE A REPLY

Please enter your comment!
Please enter your name here