Miss Teen Aruba International cla pa temporada 2019

ORANJESTAD – For di oficina di GLW Foundation a yega un comunicado cu tur cos ta ser prepara pa Miss Teen Aruba International 2019.

E aña aki celebrando 11 aña di eleccion, unda cu durante añanan Miss Teen Aruba International a sa di demostra cu e comision ta traha den e miho formacion di e candidatanan, y e logronan durante e utimo 13 añanan aki, cu George Winterdaal como presidente, pa e prueba di e trabou cu e candidatanan. Paisnan unda e candidatanan a bay ta Republica Domincana, Panama, El Salvador, Bahamas, Guatemala, Costa Rica y mas. Tambe desde dia uno cu George a tuma e presidencia di Miss Teen Aruba y despues Miss Teen Aruba International, a uza e lema ‘Algo mas cu un certamen di beyesa’ y esaki ta wordo haci tur aña cu diferente proyectonan . GLW Foundation ta haci e.o. ‘Cupcake di Speransa’ y ‘Un man pa nos ruman’, y tambe un sin fin di actividadnan caritativo cu e candidatanan.

Bo tambe kier participa ? Wel, ta masha facil
E aña aki GLW Foundation a haci algun cambio masha interesante. Bo tin e edad di 15 pa 18 aña? Bo tin gana di biba un experencia unico? Bo kier representa Aruba na nivel internacional? Bo ta bishita un scol secundario? Wel, esaki ta bo chens pa participa.

Gastonan ?
Hopi biaha, e preocupacion di mayornan ta e gastonan halto cu no necesariamente ta asina. Hopi biaha, e preparadornan ta pone mayornan haci gastonan innesesario, y p’esey ta importante pa nos splica tocante e gastonan, di cual e gasto mas grandi y basicamente e unico gasto ta e trahe di gala, cu no necesariamente mester ta un shimis demasiado costoso, pasobra e trahe no ta saca e candidata. E candidatanan lo ricibi di e comission organisado diferente t-shirt di Miss Teen Aruba International, cual ta ser uza pa e diferente actividadnan. Otro gastonan chikito ta kisas algun accesorio, sapato, pero basicamente esey ta tur cos.

Otro cambio ta e Miss Teen Folklore, unda semper e candidatanan ta prepara un plato tipico y presenta esaki, cual tambe ta un gasto pa e candidata. Pues e aña aki lo ta diferente, pasobra e candidata lo mester prepara un baile di 3 minuut, y e dia ey mes comision mes lo tin platonan tipico na benta y un bar bon surti, y e entrada pa e anochi aki ta gratis, y e prijs pa e platonan ta Afl. 10,00. Esaki lo tuma luga diasabra dia 4 di mei proximo den Fort Zoutman. Otro cambio ta e evento di Speech, cu e aña aki lo bira Miss Teen Press, y tambe e anochi di Award ta bira un cocktail event en bes di gala, pues tur esaki pa baha e gasto di candidata y tambe pa e benta di e entradanan bay mas facil.

Si cualkier mayor ta desea mas informacion, por yama libremente George Winterdaal na 561-6151 y asina por ricibi tur informacion y detaye. Final di Miss Teen Aruba International lo tuma luga diadomingo 14 di juli den Cas di Cultura. Ultimo dia pa inscribi lo ta diabierna 12 di april proximo. Lo tin un reunion cu mayornan diamars 16 di april proximo.

GLW Foundation a prepara un agenda di actividadnan masha leuk mes, cu hopi eventonan, unda nan lo siña hopi, pero tambe lo disfruta di e temporada 2019.

 

You May Also Like

lilly bekker servicio dokter.jpg

Dr. Lili Beke-Martinez : “Nos semper a traha cu amor y cariño pa nos pashentnan”

Entrante mañan, Dr. Lili Beke-Martinez no lo continua su relacion cu AZV como dokter ...

13museo (NW) (2).jpg

Apertura di Museo Industrial

Ayera nochi a tuma luga e apertura di “Museum of Industry” na San Nicolas ...

Kico bo mes por haci contra corupcion y bon gobernacion

Ayera nochi tabata e di dos edicion di e simposio di bon gobernacion organisa ...

Sindicato STA a gana referendum di trahadonan di ASTEC

Ayera tardi a tuma luga e referendum pa e trahadonan di departamento di operacion ...

Cifra di CBS ta duna espacio pa revoca crisisheffing

ORANJESTAD – Pa parlamentario y ex minister di AVP, Richard Arends, e cifranan cu ...

Elmar no lo retira trahadonan

Diamars ultimo director di Elmar, Robert Henriquez a declara na Bon Dia Aruba, cu ...