Parlamentario Endy Croes (MEP): ‘Den Financial Statements di Lotto pa Deporte riba pagina 9 ta para cash in bank december 2009 un total di 5.752.139 miyon’

ORANJESTAD – Parlamentario Endy Croes a splica cu pa varios aña desde 2010 en adelante AVP a uza Melvin Tromp pa purba di crea un scenario cu nunca tabata existi den Lotto pa deporte pa desacredita tur e miembronan di Bestuur anterior y specialmente Endy Croes awe den un funcion como parlamentario.

Na mas o menos 11 ocasion Melvin a bay Canal 90 en bibo pa papia oranan largo riba Lotto pretendiendo cu a laga Lotto bancarota y cu un cantidad di storianan falso. Manera nos a bisa semper tempo ta bo miho amigo y pa con lihe un mentira por wordo lansa semper e berdad lo alcance na caminda. E activistanan di AVP nombra den bestuur nunca por a entrega cifranan di un accountant.

Pruebanan palpabel
Porfin  dia 7 di februari 2014 contra tur regla di Good Governance y Statuut, Lotto a logra produci un Financial Statements di aña 2010, esta e maneho di e prome aña cu Bestuur di AVP ta completamente responsabel.

Melvin tabata un di esunnan cu constantemente tabata bisa cu a encontra un Lotto bancarota. Parlamentario Endy Croes den diferente conferencia di prensa a refuta cu a laga casi 6 miyon cash na banco mas 11.5 miyon di Land Aruba pa e proyectonan andando. Semper a keda para ariba cu AVP a ricibi alrededor di 17 miyon florin pa por a sigui traha. Porfin a cay den nos man e pruebanan palpable. A sconde nan pa 9 aña.  Riba pagina 9 di e Financial Statements di aña 2010 cual rapport Ernst & Young mes a traha y a entrega finalmente 7 di februari 2014 ta para claramente cu na december 2009 a keda “cash at the bank and in hand” un suma di 5.752.139 miyon florin mientras cu riba mesun pagina ta splica cu na december 2010 (AVP) tabata tin 3.238.291 miyon na Banco. Mester splica tambe cu na juli 2010 ta hustamente AVP a ricibi e suma di 11.5 miyon door di Land Aruba pa e proyectonan mientras den 2010 AVP a presta tambe 7.5 miyon na AIB pa operacion algo cu nunca a pasa bou di MEP. Nunca a presta placa pa operacion.

Berdad a alcansa mentira
Ta reta Melvin pa lesa e Financial Statements 2010 cu hopi atencion  cual por cierto tin hopi informacion. Ta reta Melvin pa bay conferencia di prensa awor pa duna splicacion.

Claramente tempo ta e miho amigo cual a desmantela tur e storianan falso di AVP. Tristo pa mira con Bestuur di AVP a crea un smokescreen pa asina “horta” kisas na un manera legal mas di 3 miyon di fondonan di Lotto. Amigonan di AVP tur ta comerciante den Bestuur y tabata paga nan mes miles y miles di florin pa nan mes duna tur tipo di servicio y conseho na Lotto. Mientras deportistanan tabata sclama den solo y ta wordo cori momento nan hiba un peticion. Un man yen di activistanan di AVP  tabata gosa di e fondonan. Con CBN Canada por permiti semehante maneho? Parlamentario Endy Croes ta spera cu Melvin por busca e Financial Statement (of manda pidi nos) y alabes ta conseh’e pa e cuminsa na busca un “tolk” pa por traducie pe di Ingles pa Papiamento y un hende pa splik’e e contenido. Pa con lihe un mentira ta e berdad semper lo alcance. Duna tempo tempo. Politico mester ta sincero cu su pueblo. Nunca pero nunca mas pueblo mester duna AVP un voto di confiansa.

 

You May Also Like

‘Evelyn ta vrij cu Otmar pa forma gobierno y Xiomara ta insisti cu mester condena Otmar’

Proceso pa formacion di un gobierno di coalicion nobo ta continuando pero na mes ...

Ex prome minister Mike Eman a duna un ‘gastcollege’ na Universidad di Leiden

ORANJESTAD- Recientemente ex prome minister Mike Eman a duna un ‘gastcollege’ na Universidad di ...

‘Presupuesto supletorio mester ta un herment pa ahusta y control, no ultimo recurso ora baca a hoga’

Diaranson mainta parlamento di Aruba tabata den sesion publico pa tratamento di Presupuesto Supletorio ...

‘E proyecto Green Corridor ta costa 300 miyon y tin como 500 fayo cometi’

Parlamentario Marisol Lopez Tromp ( POR): Lider di fraccion di POR den parlamento, Marisol ...

Partido Dominicano a instala directiva nobo na Aruba

Ya caba e tradicional partido politico Dominicano PRD a cuminsa organisa su mes na ...