Durante simannan, despues di e prome informe di e virus nobo na Wuhan, miyones di persona a sali di e ciudad di central China, den bus, trein y avion, mientras e prome ola di e gran migracion di Aña Nobo Chines a cuminsa. Por ta cu algun di nan a hiba cu nan e virus cu a cobra mas di 800 bida y laga mas di 37.000 persona enfermo.
Oficialnan a cuminsa cera frontera 23 di januari, pero ya tabata laat. Tempo cu a pone e ciudad den cuarentena, el alcalde a bisa cu ya 5 miyon persona a sali di e pais.
Un analisis di AP di patronchi di biahe nacional usando dato di localisacion di e mapa di tecnologico Chines Baidu ta mustra cu den e dos siman prome cu ceramento di Wuhan, casi 70% di e biahe saliendo di Wuhan tabata na provincia di Hubei.
Patronchi di biahe por mustra ampliamente e propagacion tempran di e virus. Mayoria di caso y morto confirma a tuma luga na China, paden di provincia Hubei, cu cantidad grandi di caso di centro di China, cu infeccion na Chongqing, Shanghau y Beijing.
A agrega cu e biaheronan inicial desplega na provicianan den China central cu cantidad grandi di trahado migrante y sistemanan di cuido di salud relativamente debil ta pone peso riba hospital den e provincianan aki cu recursonan limita.
Baidu a colecta dato di biahe basa riba 120 biyon di solicitud di ubicacion diario di su aplicacion di mapa y otro aplicacion cu ta usa servicio di ubicacion di Baidu. A registra dato di usuario cu ta acepta pa comparti su ubicacion y e compania ta bisa cu dato ta scondi pa proteccion di privacidad.
Dato disponibel publicamente di Baidu a mustra biahe proporcional, no cantidad absoluto di biahe registra, y no ta inclui di biahe di persona cu no ta usa celular of aplicacion cu ta depende di servicio di ubicacion popular di Baidu.
Oficialnan di salud publico y academico ta usa e tipo di dato durante aña pa sigui e posibel propagacion di malesa. “Ta importante pa compronde e movecion di poblacion pafo di Wuhan prome cu ceramento di ciudad”, Lai Shengjie a bisa, kende ta un investigador di WorldPop cu tabata traha na e centro di control y prevencion di malesa na China.
