Un homber a keda asesina durante un tiroteo riba Papaverweg na Amsterdam-Noord.
Polis di Amsterdam ta buscando un BMW cu number Belga. E tiramento a tuma luga alrededor di 21:20. Diferente ambulans a yega na e sitio pa duna e victima prome asistencia. Posiblemente a reanima e homber.
Un dokter di team medico tambe a yega cu helicopter di trauma, pero esaki no a yuda scapa e victima. E victima a muri na e sitio mes, segun polis. Polis ta buscando e sospechoso rond e area cu helicopter tambe.
Na e sitio a start investigacion forense. Polis no por bisa si ta trata di un likidacion den circulo criminal.
