Motin nobo na Goias (Brasil) suprimi pa autoridadnan

Autoridadnan Brasileño a logra controla un motin cu a tuma luga ayera mainta na un compleho penitenciario di estado Goiás, na centro oost di e pais.

E Direccion General di Administracion Penitenciario di e estado a informa cu ainda nan ta realisa un conteo pa determina cuanto preso a resulta herida den e incidente, pero un vocero di e despacho a garantisa cu no tabatin morto ni fuga, segun agencia AFP.

E Compleho Aparecida di Goiania a inicia 2018 cu un enfrentamento cu a laga nuebe morto y por lo menos 14 herido, y un cien profugo. Tres dia despues, a presenta un incidente nobo cu no a laga ni morto ni herido, segun medionan di comunicacion a informa.

Autoridadnan a precisa cu e motin di diabierna a cuminsa pa 04:30 di marduga den un parti di e regimen cera y cu a logra controla e situacion den menos di tres ora, pa medio di forsanan special y polis militar.

Un inspeccion hudicial realisa despues di e motin di dia 1 di januari den e compleho a trece na cla condicionnan insalubre, retraso procesal y falta di accion preventivo cu ta haci e situacion mas grave den e institucion, segun prensa local, pa via di e fraccionnan rival Comando Vermelho (CV) y Primeiro Comando Capital (PCC), AFP a informa.

Brasil tin e tercer poblacion di prizon mas grandi di mundo y segun e cifranan, e cantidad di preso ta supera e capacidad penitenciario di e pais.

Aña pasa tabatin un motin grandi den un compleho penitenciario na Manaos, cu a ocasiona 56 morto.

You May Also Like

Autoridad a haya helicopter usa den atake contra Tribunal Supremo na Venezuela.

  VENEZUELA (InfoBae).-  Diaranson Vice-presidente di Venezuela Tareck El Aissami a informa cu a ...

Costa Rica kier bira prome “economia berde” di America Latino

Gobierno di presidente Carlos Alvarado a lansa na inicio di e siman aki un ...

Hulandes ta suministra municion pa organisacion terorista

DEN HAAG –  Un Hulandes naci na Corsou a ser condena na Rotterdam pa ...

Dos dia despues di horcan, Cuba a comunica cu tin 10 morto pa horcan Irma

Dialuna autoridadnan di gobierno Cubano a informa cu horcan Irma a laga 10 morto ...

Lula da Silva condena na 9 aña y mey di prizon

Diarason hues Sergio Moro a condena ex-presidente Luiz Inácio Lula da Silva pa sinta condena di nuebe ...

Wardacosta a intercepta boto cu 35 Venezolano abordo

WILLEMSTAD – Recien e avion Dash di warda costa a detecta un contacto di 3 ...