Nadien Phillip, Gewichtsconsulent: Purba producto nobo ta trece variacion den bo dieta y ta mas saludabel

4descubri.jpg

Generalmente locual cu nos lanta custumbra ta come, ta locual cu nos ta sigui come ora cu nos ta grandi suficiente pa haci compras. Sinembargo si no purba producto nobo, ta keda pega comiendo mesun cos, asina no disfrutando di diferente beneficio di e diferente alimentonan.

Como gewichtsconsulent diariamente mi ta hiba combersacionnan di productonan saludabel cu esnan rond di mi, y ta asina tambe ta cera conoci cu productonan cu kisas ta nobo pa bo y ta siña for di otro. Algo cu mi ta recomenda cada persona haci den su seno sea ta social of laboral, (nos ta siña hopi for di otro).

Producto ‘milagroso’ recomenda

Curcuma of Turmeric, na cua nomber cu bo conoce, e ta conoci pa tin masha hopi bon beneficio pa salud di esunnan cu tin e diariamente den nan dieta. Mientras cu e efectonan secundario ta limita tanten cu no ta uz’e na un cantidad considera normal. Hasta e ta wordo considera como un ‘wonder food’, teniendo na cuenta tur e beneficionan cu e tin.

Turmeric por ta un di e suplementonan nutritivo di mas efectivo cu ta existi, esakinan ta respalda pa diferente estudio cu a wordo haci cu ta mustra e beneficionan cu e tin pa e curpa y celebro. Turmeric ta e specerij cu ta duna curry, su color geel, e ta wordo uza na India por ehempel pa miles di añanan como un specerij y medicinal. Sinembargo ta te cu recientemente cientificonan a cuminsa studia e beneficionan. E componentenan yama ‘curcuminoids’ cual esun mas importante ta curcumin/curcuma. Curcuma ta e ingrediente central activo den Turmeric y tin poder cu efecto anti inflamatorioy ta un antioxidante hopi fuerte.

Lamentablemente, Curcuma ta wordo absorbe na un cantidad hopi abou den nos sanger. Ta yuda pa consumi esaki e ora cu poco peper cu ta contene ‘piperine’, un substancia natural cu ta percura pa por absorbe curcuma na un cantidad mucho mas hopi. Curcuma ta tambe desolve vet, pues e ta un bon idea pa tum’e ora cu ta come cumindanan cu ta hopi vet (aunke cu cuminda yen cu vet no ta recomendabel).

Uzo

E maneranan cu ta cunsumi Curcuma ta entre otro door di simplemente pone den cuminda como un specerij, por busc’e den forma di pildo y ta uz’e como un suplemento diario, tin receta pa e wordo uza den awa of lechi entre otro.

Popularidad

Segun mas y mas persona ta consumi Curcuma, mas y mas bon reaccion e ta ricibi y asina tambe actualmente ta un di e specerijnan mas investiga pa cientificonan, manera conoflok, cane, ginseng y gember. Locual cu ta resalta di Curcuma, ta cu su beneficionan ta supera diferente sorto di pilder manera esunnan anti inflamatorio, anti depresivo, pilder pa dolor, pilder pa arthritis, pa baha colesterol entre otro. Aunke cu e tin mucho mas propiedad beneficio, a menciona algun solamente teniendo na cuenta locual cu ta cientificamente comproba y locual cu ta hacie mas atractivo compara cu e diferente pildernan. Esaki ta e hecho cu e casi no tin efecto secundario y efectonan secundario ta presenta solamente ora cu e wordo consumi den cantidad excesivo.

Si nos bay bek riba e hecho cu Curcuma ta baha colesterol, e ta mustra con beneficioso e ta, hopi hende ta sufri di atakenan di curason cada aña mas y mas, debi na e mal custumbernan cu nos tin di come. Uzando curcuma el a mustra cu e ta mas miho cu pildernan cu ta wordo prescribi, pero tambe como cu e tin mas beneficio, e ta baha stress y inflamacion, tur cual ta factornan cu ta haci e situacion di salud mas malo.

Medicina Natural

Y si no nos para keto un rato, corda cu e ta un producto completamente natural, relativamente barata y obtenibel den supermercado. Generalmente den polvo, pero tambe por haya e reiz (parecido na gember, djis cu e tin un tono oraño).

Un receta gusta pa hopi y cu mi ta recomenda pa bo purba y incorpora den bo dieta ta locual cu nan ta yama ‘liquid gold’. E ingredientenan ta lechi, preferibel vegetariano, mitar cuchara di azeta di coco, gember, peper, curcuma, bo por agrega cane pa mas sabor y honing. Mientras cu algun di e ingredientenan ta opcional, peper si ta uno primordial pa garantisa maximo absorcion di curcuma den bo sistema

Pues mirando tur e beneficionan cu Curcuma tin pa nos curpa, y tur cu tin prueba cientifico, mi no ta wak otro motibo pakico tur hende no lo por incorpora esaki den un forma of otro den nan dieta. Saliendo for di bo zona di comfortabilidad lo haci cu bo ta descubri productonan nobo. Y ora cu ta trata productonan natural nos curpa lo aprecia e beneficionan cu ta bin cun’e. Na Aruba nos tin e beneficio cu nos supermercadonan tin gran variacion di diferente cultura y nos mester probecha di esaki y amplia nos conocemento di productonan. Un tip ta, cada biaha cu ta bay haci compras, purba cumpra sea ta un fruta, berdura of specerij cu nunca bo a purba.

 

You May Also Like

Update Southwest: a haya vomit bag cu bom skirbi riba dje den baño

ORANJESTAD – Autoridadnan a habri aeropuerto y e camindanan rond di 2.20 atardi bek. Segun ...

5oct ANSA.jpg

Ta sostene acuerdo encuanto uzo di idioma pa loke ta servicio di trafico aereo

Gerencia di ANSA N.V. a tuma nota cu diadomingo 4 october 2015 Minister encarga ...

3juni, JM, Jossy Figaroa.jpg

Jossy Figaroa di APA: Mester sigui mustra e liñanan crucero cu Aruba tin productonan innovativo

Aruba ta den su temporada abao den turismo y tambe turismo crucero. Sinembargo mester ...

matthew evacua.jpg

Matthew: vuelonan American Airlines cancela, Aruba Airlines ainda ta bula

Update: vuelonan di Aruba Airlines tambe a wordo cancela E dos vuelo di American Airlines ...

aruba prome wega olimpico 5.jpg

Aruba su prome Wega Olimpico na 1988

Awe e atleta Nicole van der Velden ta exhibi e bandera nacional di nos ...

Dr. Horacio Oduber Hospital ta un berdadero hospital di 5 strea

Recientemente Minister Mike Eman hunto cu su colega di minister dr. Alex Schwengle a ...