Diaranson den oranan di merdia riba Kamerlingh Onnestraat riba e tereno pabou di veld RCA un tanki grandi tabata saca basta gas. Hendenan tabata mira huma blanco ta sali for di e tanki y a raporta na autoridad. Bombero y polis a presenta. E caminda a keda cera pa ningun trafico yega cerca. Tabata un compania cu ta encarga pa transporta e tanki grandi pa Hospital, tabata un tanki special di oxigeno no tabata trata di ningun tipo di gas peligroso.
E huma aki tabata wordo causa debi na e calor cu a pone cu e presion a acumula y e valvo a activa y pone cu a saca e gas di mas pa e tanki no explota. No ta prome biaha cu esaki ta pasa, den pasado tabata mes un tipo di gas aki staciona riba e tereno na waf banda di caminda, a hala hopi atencion di hende pero tabata e gas di mas tabata wordo saca pa e tanki keda na un nivel no peligroso. Maske cu a basha awa pa fria e tanki pa un rato debi na e calor. E truck encarga cu e tanki a presenta na e sitio y asina acompaña pa polis a hiba e tanki aki pa Hospital sin ningun problema.
