Nicaragua: Mas represion contra prensa independiente

Menos di 24 ora despues cu e Grupo Interdisciplinario di Experto Independiente (GIEI), liga na Organisacion di Estado Americano (OEA),  a presenta un informe desastroso contra e regimen di Daniel Ortega, revelando cu a comete “crimen contra humanidad” durante e rebelion civico, polis nacional a ataca periodismo independiente cu e invasion den marduga di e oficina di e canal 100% Noticias y a aresta e director Miguel Mora diabierna pasa. Den e oficina e agentenan a destrui henter e interior. Diasabra Mora a ser presenta dilanti hues, acusa di conspira pa “comete acto terorista.”

Oficialmente Mora, cu den e ultimo lunanan tabatin problema constantemente cu autoridadnan y a ricibi varios menasa di morto di e regimen, a keda acusa di “provocacion, proposicion y conspiracion pa comete acto terorista.”

Pa ex-procurador general Alberto Novoa, esaki no tin, sin embargo, ningun base legal. “E detencion y awor acusacion di Mora no tin ningun base. E articulo 510, cu ta papia di incitacion di odio, ta hopi amplio y ta keda na interpretacion di fiscal. Mora no ta un incitador di odio. E ta haciendo un ehercicio di un profesion of oficio, un actividad di obtene informacion y transmiti informacion, e no ta inventando noticia. Si e noticianan ta parce negativo pa un sector, esey no ta califica pa acusa un persona di e delito di incitacion di odio,”  segun Novoa.

Desde Estadonan Uni, otro cu a critica e dictadura tabata e director pa America di Human Rights Watch, Jose Miguel Vivanco, cu a califica e acusacion di “disparate” y a splica riba su cuenta di Twitter cu “ta trata di otro evidente atropeyo di e dictadura, di libertad di expresion.”

You May Also Like

Irma causando daño grandi den Caribe

Horcan Irma a destrui varios edificio y causa inundacionnan grandi na hopi di e ...

Comision Interamericano di derecho humano ta condena maneho di medio di comunicacion di Venezuela

Comision Interamericano di Derecho Humano (CIDH) a condena diarazon ultimo e ciere di alrededor di cincuenta ...

Webpage di noticia di Venezuela mester paga US$500.000 na lider chavista

Diaranson un tribunal Venezolano a ordena e webpage di noticia “La Patilla” pa paga ...

Operativo di seguridad a haya 11 cadaver na Mexico

Ocho cadaver tabata den interior di un truck y tres curpa riba e porta. E curpanan ...

Mexico: 2017 a surpasa tur record anterior di asesinato

Na final di 2017, Mexico a suma 29.168 homicidio intencional, e cifra mas halto desde ...

Hezbollah ta un actor principal di delincuencia organisa na America Latino

Hende miho conoci como misionero Irani ta esun cu ta bati  alarma  pa chiismo, ...