Recientemente a pone tocante e curso di mediacion cu lo tin den luna di october pa 6 dia intensivo unda cu e participantenan lo siña con pa ta un mediado.
Barbara Abdoelkariem a comparti cu mayoria di persona cu kier ta un mediado mester sali for di isla pa haci bijscholing. Sinembargo, el a bisa cu ta importante pa comunidad di Aruba sigui bay cu tur otro pais ‘e idea a nace pa desaroya formacion pa profesional na Aruba’.
E formacion ta duna e profesional na Aruba mesun oportunidad cu profesional cu ta haci na Corsou y Hulanda. Abdoelkariem, kende ta bibando na Hulanda, ta un hurista; pero na 2016 a bira un mediado registra, unda el a cuminsa yuda hende pa resolve nan mesun problema.
Na januari 2018, nan a cuminsa na Aruba cu mediacion na Corte. Hues por bisa cu hende por busca un manera pa resolve nan problema; nan ta referi na un mediado. Actualmente na Aruba no tin ningun persona registra como mediado pa trece opleiding pa hende profesional.
Pa e motibo aki, Abdoelkariem a lanta e idea pa trece opleiding na Aruba, pa nan por tin metodo di siña pa resolve nan mesun problema. E ta splica cu diferencia entre abogado, mediado y sentencia di Hues.
“Ora un persona bay na un mediado, bo ta sinta cu un persona cu no ta tuma parti den ningun banda. E ta yuda busca bo mes e solucion na e problema. Cu un abogado bo ta bay cu e problema, djey den corte, hues ta duna sentencia pa ley. Pero nan no ta wak e emocion cu ta tras di e problema, y den cierto caso bo por sali pio cu bo a drenta”, Abdoelkariem a expresa.
E ta recomenda pa miho busca un solucion cu mediado cu ta yuda drecha pa ambos banda. Cu mediacion por wak di un banda di hende y di otro banda. Ambos lo busca un manera pa solucion.
Na Aruba, un mediado ta necesario pa motibo cu tin compania di otro pais cu ta haci uzo di un mediado ‘pa resolve nan problema den compania’. A puntra Abdoelkariem si un persona ta logra den 6 dia, e ta contesta cu e persona ta logra.
No mester ta hurista, mester haci di dos curso pa por oficialisa
Pa participa den e curso no mester ta Hurista segun Abdoelkariem. Tampoco ta necesario pa tin un cierto nivel di estudio, maske mayoria persona cu ta interesa den haci e curso pa bira mediado tin titulo na nivel di HBO. Hurista cu participa lo por traha riba problema y conflicto mas huridico den naturalesa, mientras persona cu no ta hurista lo por haci uzo di e curso pa resolve otro tipo di conflicto, manera na pia di trabou. “Tur dos participante ta keda beneficia”, el a sigura.
A puntra Abdoelkariem si e persona cu tuma e curso di 6 dia ta bira un mediado. El a contesta cu e persona ta haya un certificado anto esey ta e yabi pa bay e di dos examen cu mester haci pa bira un mediado registra. Cu e certificado di e prome curso no por bira un mediado registra, pero si tin derecho pa uza su certificado den cualkier situacion cu presenta.
