Durante e dianan aki a presenta un scarcedad di tomati na Aruba. “No tin tomati” esaki ta e expresion cu ta wordo scucha di hopi ama di cas. E scarcedad aki ta debi cu na Venezuela mes, caminda e producto aki ta drenta Aruba ilegalmente tambe tin scarcedad di tomati. Gobierno di Venezuela a bin cu medida pa cierto productonan di nan canasta familiar, entre nan cierto fruta y berdura, no wordo exporta ya cu nan poblacion mes tin mester di nan. Pero tog e productonan aki ta drenta Aruba di contrabanda, ya cu nan por haya un miho prijs pa nan na florin. Pero debi na scarcedad na Venezuela y un control mas stricto di nan autoridadnan, tomati no ta drentando Aruba fei e pais bisiña aki. Tin tomati cu a bin fei Merca pero su prijs ta mas caro. Tambe tomati cu ta wordo produci na un scala mas limita pa nos cunukeronan local, pero e prijs tambe ta un tiki mas halto cu e tomati di Venezuela, pasobra nan produccion ta mas caro.
