Nomber di compania Hulandes a aparece den caso di corupcion Isla

WILLEMSTAD – Recientemente e compania Hulandes Count a surgi den un investigacion tocante un posibel corupcion di un benta di e refineria di petroleo na Corsou. E director di e refineria a puntra un empleadonan di e compania Hulandes pa soborno a cambio pa un posicion faborabel den e proceso di benta.

E empleado a acepta esaki na prome instancia, pero e deal no a sigui pa motibo cu nan no a keda conforma cu e cantidad.
Esaki a aparece di un rapport di investigacion cu a keda filtra traves di e corant Hulandes Antilliaans Dagblad siman pasa. E director a wordo retira na november aña pasa pa e asunto aki. E investigacion over di e problema aki a wordo conduci pa e oficina di abogado Ivy na Amsterdam, ken ta encarga cu e conseho di supervision di e refineria.

Segun e rapport e empleado di Count inicialmente tabata interesa den e forma aki di haci negoshi, pero a stop di haci esaki despues cu nan no por a yega na un acuerdo tocante di e suma cu mester wordo paga. E gobierno di Corsou a entrega un denuncia n a Ministerio Publico, kende ta investigando e caso.
E director di e refineria a nenga e intento di soborno contra e investigadonan di Ivy. El a afirma cu e no ta confia Count completamente y kier investiga e integridad di e empresa.

Esaki ta pa kico nan lo a haci e propuesta di pago pa asina wak si Count lo acepta. Si esaki tabata e caso , e sa cu Count no tabata bon y cu e por a elimina e compania di e lista di posiblidadnan cumprado, esaki ta locual e director a splica.

E compania, specialisa den comercio di productonan basico, a mustra interes hunto cu un compania di Merca den e refineria di Isla. E director hunto cu algun empleado y un consultor, a bisa cu Count lo transferi 750 mil dollar pa un compania ainda por establece pa costonan di e consultorio. E pagonan adicional mester wordo haci den futuro.

E director Pieter Janssens di Count a bisa cu e compania’ no ta reconoce su mes’ den e storianan di posibel corupcion. “Awo nos a pidi un rapport di e refineria y lo bay studianan. Despues nos lo presenta un contesta extensivo”.

You May Also Like

Venezuela: Union Europeo cu mas sancion contra regimen

Siete funcionario di alto rango Venezolano lo por enfrenta sancion di Union Europeo desde ...

Gasto militar a baha na America Latino y a subi na Argentina y Colombia

E gasto di defensa a aumenta na henter mundo cu 0.4%, segun informe anual ...

Aumento preocupante di asesinato na Trinidad & Tobago

Port of Spain – Cu 16 persona asesina den e prome cuatro dia di ...

Antigua & Barbuda ta bandona reunion di OEA

(CaribbeanNewsNow) Washington- Antigua y Barbuda e siman aki a termina nan participacion den e ...

Gobierno Nacional di Colombia ta financia metro di Bogota

Gobierno nacional di Colombia ta bay financia e proyecto di metro di capital Bogota.  ...

Spaña a detene 30 container cu carni for di Brasil

Spaña a mobilisa preventivamente pa analisa 30 container di carni cu a yega for ...