Economia di Inglatera por bira pio pa motibo di Brexit

LONDON (AP) – E economia Britanico no a yega di tin un aña pio desde e crisis financiero mundial, y ta mas cu cla cu ta culpa di Brexit. E gobierno mes ta admiti. E cifranan cu a keda publica dialuna ta mustra cu falta claridad.

Brexit a cay pisa riba negoshinan durante henter 2018 y a mantene un limite riba nan inversionnan. Pa 2018, e economia a crece cu 1.4 %. E ultimo biaha cu a desempeña asina debil tabata na 2012, durante e crisis di debe di Europa.

Dialuna, e cifranan a mustra con slow el a bira prome cu aña 2018 a yega su fin. Esaki a ta duna fuersa na otro indicadornan cu ta sugeri cu Brexit ta perhudica cada biaha mas economia, den un momento cu tendencianan global, manera un guera comercial entre Merca cu China, ta afectando crecemento global.

E hefe di tesoro Britanico, Philip Hammond, a argumenta cu economia Britanico ainda ta ‘fundamentalmente fuerte’. “No tin duda cu nos economia ta eclipsa pa incertidumbre crea pa e proceso di Brexit”, noticiero Sky a bisa.

Si e economia Birtanico a mantene su mes, den un gran medida miho cu a wordo spera inmediatamente despues di e votacion di juni 2016 pa bandona e union Europeo, e companianan ta birando mas nervioso ora e dia yega di Brexit.

Prome minister Theresa May ta luchando pa rescata e acuerdo di Brexit cu el a acorda cu Union Europeo pa fin di aña pasa, despues cu esaki a keda rechasa pa parlamento Britanico. E ta tratando di obtene un siguransa, en particular, cu no tin retorno den e frontera cu Irlanda y Noord Irlanda. Miembro di Union Europeo cu ta forma parti di Inglatera ta bisa cu no ta cla, y tin miedo pa ultimo siman cu Inglatera por sali for di Union Europeo sin un acuerdo.

 

You May Also Like

_92578015_617028da-2b4c-42cf-8cf5-5eb8fdc2211b.jpg

Colombia: Polis ta detene 22 ‘miembro di gang’

Polis na Colombia a detene 22 homber cu nan ta sospecha di ta miembro ...

baby morto aleman.jpg

8 baby haya morto den cas Alemania

Despues un muhe a descubri e curpa di un baby, autoridad a haya mas ...

Maduro: Traslado di biyete nobo pa Venezuela victima di sabotahe

Presidente di Venezuela, Nicolas Maduro a  denuncia diasabra pasa, cu Venezuela ta victima di ...

Hotel ta retira tur robot for di staf pa motibo di mal trabou

Personanan preocupa cu e revolucion robotico ta menasa nan trabou por cuminsa relax. Henn ...

Bebida alcoholico toxico ta mata 32 persona na Pakistan

32 persona a muri y docenas a bira malo despues di bebe bebida alcoholico ...

Teremoto y lodo ta mata mas di 80 persona

INDONESIA – E number di persona cu a fayece pa motibo di awa di ...