(AP) – O.J Simpson, e hungado famoso di futbol Mericano y actor di Hollywood ken a ser declara inocente di acusacionnan di a asesina su ex casa y su amistad den un huicio cu a captura e atencion di henter e publico y a expone division riba rasa y polis na Merca a fayece. E tabatin 76 aña.
E famia a anuncia riba Simpson su cuenta oficial di X cu el a fayece diaranson a causa di cancer den prostaat. El a fayece na Las Vegas, oficialnan a bisa diahuebs.
Simpson a genera su fama y fortuna via e deporte y negoshi di show, sinembargo su legado a ser cambia pa semper den e asesinato cu a tuma luga den aña 1994 di su ex casa, Nicole Brown Simpson y su amigo Ronald Goldman na Los Angeles. Despues a declara su persona responsabel pa e fayecimento den un caso civil separa y a cumpli 9 aña den prizon pa acusacionnan cu no ta relaciona.
Cobertura live di television di su aresto despues di un persecucion di velocidad abao a marca su caida.
Aparentemente el a surpasa e bareranan racial como e strea di Trojans pa e University of Southern California den fin di 1960, como figura den aviso di un compania di huur vehiculo y como e casa di un mucha muhe bunita cu wowo blauw den aña 1980. “Mi no ta color scur, mi ta O.J,” e tabata gusta bisa su amigonan.
Su “huicio di siglo” a captura Merca su atencion riba television live. E caso a trece dilanti debate tocante raca, genero, abuso domestico, husticia pa celebridadnan y mal conducta di polis. Evidencia haya na e escena tabata abundante den contra di Simpson. Druppel di sanger, sanger atras y un handschoen tabata presente. Otro handshcoen, yen di sanger, a ser haya na su cas.
Simpson no a testigua, pero e fiscalia a pidi pa e bisti e handschoen den corte. El a forsa subi esaki den su man y a bisa 3 palabra so durante e huicio: “Nan no ta sirbi.” Su abogado Johnnie L. Cochran Jr. a conta e hurado “si e no ta sirbi bo mester retira e acusacion.”
E hurado a declara su persona inocente di asesinato den aña 1995, pero den un huicio separa e hurado a declara su persona responsabel den 1997 pa e fayecimentonn y a ordena su persona paga 33.5 miyon dollar na e miembronan di famia di Brown y Goldman.
Un decada despues, ainda cargando e sobra di e veredicto aki, Simpson a hiba 5 hende homber cu e no tabata conoce un confrontacion cu dos dealer di memorabilia di deporte den un camber di hotel na Las Vegas. E dos hende homber cu Simpson tabatin arma di candela. E hurado a acusa Simpson di robo arma y otro crimennan menor. Encarcela cu 61 aña di edad, el a cumpli 9 aña den prizon.
Simpson a hunga den 11 temporada di NFL, 9 di nan cu Buffalo Bills, unda el a bira conoci como “The Juice” y tabata hunga tras un linea di ofensa conoci como “The Electric Compny.” El a gana 4 titulo ‘rushing’ di NFL, ‘rushing’ 10,274 meter den su carera, anotando 76 touchdown y hungando den 5 Pro Bowl. Su miho temporada tabata 1973.
“Mi tabata parti di e historia di e wega,” el a bisa añanan despues. “Si tabatin algo cu mi lo logra den mi bida, ta logra mi ‘mark’.”
Simpson su fama a tuma luga simultaneamente cu un carera den television. El a firma un contract cu ABC Sports e anochi cu el a gana Heisman Trophy den aña 1968. E mesun aña, el a aparece den e serie di NBC “Dragnet” y “Ironside.” Durante su carera profesional, Simpson tabata un comentador pa un decada riba ABC sigui pa un temporada na NBC.
Naci como Orenthal James Simpson, el a crece den viviendanan cu subsidio di gobierno. E tabatin 2 yiu homber, Jason y Aaren cu su prome casa, tambe su prome yiu Arnelle. Ora el a casa cu Brown na aña 1985, nan a haya 2 yiu hunto, Justin y Sydney.
