Na Corsou tabatin basta caso recientemente di cacho- y pushinan venena. Esaki mas tanto a tuma luga den cercania di Sint Jorisbaai/Jan Thiel.

Awor Ministerio Publico ta reacciona riba esaki. Nan kier informa pueblo cu actonan asina nan ta castigabel. Segun e codigo penal articulonan 2:335 y 3:10 bo ta castigabel, si bo ta haci algo contra e salud di un animal sin cu motibo. Banda di esey den e codigo penal tin e articulo 2:334 unda ta para cu bo ta castigabel si bo mata un animal intencionalmente, haci daño na dje y of percura cu e ta disparce. E castigo ta hasta prizon, esta un maximo di dos aña prizon. Of bo por haya un boet den categoria 4 (halto). Husticia tambe por detene bo y cera bo si bou ta bou sospecho den casonan asina.

Ministerio Publico na Corsou tambe kier enfatisa cu nan ta investigando e casonan na Sint Jorisbaai y lo actua contra e personanan kende a comete e echonan castigabel contra e cacho- y pushinan. Pa motibo di esey nan ta pidi publico pa cooperacion y sin nan tin informacion, pa meld esaki na polis.