Open Weightlifting Compitition Caribbean Cup na Aruba

Diasabra awor 13 di mei, Aruba lo ta anfitrion di un competencia di hisamento di peso internacional cu lo conta cu participacion di atletanan for di nos hermana isla di Corsow y mas cu claro Aruba.

E competencia lo ta den e klasse di muher y homber esaki den Snatch y Clean&Jerk. E evento lo tuma lugar den Centro Deportivo Betico Croes na Sta Cruz y ta completamente gratis. Pa 12or di merdia lo cuminsa cu e pesahe mientras pa 2or di atardi e competencia mes lo start. Mester bisa cu for di Corsow lo bini un total di 6 atleta mas 3 delegado mientras cu ta pserando ainda contesta di e participacion di Venezuela. Pa loke ta e participacion di nos atletanan local tin cu bisa cu Aruba lo manda alrededor di 25 atleta competi riba e plataforma mientras e mayoria lo ta di Theo Bareño gym como tambe di e varios crossfit box manera Crossfit A297 y Muscles&Lungs Crossfit.

Mas cu claro nos top atletanan di pesas manera Joel Kuiperi y Jennifer Piter no por keda afor. Na banda di e dos atletanan lo bay tin bon competencia den e parti Youth, Junior y Senior. Por ultimo por hasta disfruta di e mas experencia nan cu ta nos Mastersnan den e magno evento aki.

Un danki sigur na Lotto, e Loteria di Aruba pa medio di Comision di Subsidio cu a yuda subsidia e Open Weightlifting Compitition Caribbean Cup2017.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

You May Also Like

Seleccion femenino U17 bek na Aruba

E prome biaha cu un seleccion femenino di Aruba a participa den categoria U17 ...

Stingray Swimming campeon di e XIII Stingray Challenge

ORANJESTAD – Durante e fin di siman di 5, 6, y 7 di april ...

Aljereau Sophia y Veronique Antens ta gana e Crossfit Open 2019

ORANJESTAD – Atletanan Veronique Antens y Aljereau Sophia ta gana e Crossfit Open 2019 na Aruba. Despues di ...

Aruba representa pa 2 ekipo na Surinam na evento di TK5

Durante weekend cu a pasa tabata tin training pa forma e ekiponan cu lo ...

Resultado di campeonato Summer Slam BMX Race 2017

  Recientemente a tuma luga un tremendo campeonato di bike-cross y strider Summer Slam ...

Futbolista Nickenson Paul rumbo pa Florida

Aruba Soccer Academy ta hopi orguyoso pa anuncia cu un di nan coachnan, Nickenson ...