(NLTimes) – Pa aña 2025 lo tin 3,000 bario na Hulanda unda cu no por instala puntonan nobo pa charge vehiculonan electrico, segun centro ElaadNL a bisa NBR.

E demanda pa vehiculonan electrico y puntonan pa charge e vehiculo ta abrumando e cabelnan di electricidad, e operadornan a confirma na e noticiero.

Segun Rutger Croon di ElaanNL, e electricidad den mas o menos 3,000 bario no lo por wanta mas stacion pa charge dentro di e siguiente 3 aña. Lagando cu e unico opcion lo por ta Smart Charging, cual ta ora e vehiculonan ta conecta directamente na e fuente di electricidad, y solamente ta charge den oranan di anochi, cual ta e oranan unda cu menos electricidad ta ser usa.

Operador Stedin tambe a conta BNR cu e gobierno mester inverti grandemente den e uso di ‘Smart Charging’ “sino e abrumacion lo ta demasiado grandi.” E otro opcion ta di actualisa y mehora e operadornan, “pero esaki ta costa hopi placa y ta un opcion social. Cual ta causa cu nos no ta prefera e opcion aki.”

Segun ElaadNL, lo tin casi 5 miyon punto di charge den Hulanda pa aña 2050.

Secretario di Estado Vivianne Heijnen di Infrastructura y Maneho di Awa ya caba a informa parlamento cu e kier pa ‘Smart Charging’ bira e norma pa aña 2025. Amsterdam ya caba ta experimentando cu esaki.

LEAVE A REPLY

Please enter your comment!
Please enter your name here