Oportunidad pa trabou!

Caribbean Speed Printers NV ta un compania local estableci na 1991, editor di e corantnan Bon Dia Aruba, Aruba Today y di e website bondia24.com. Pa motibo di expansion di nos departamento digital, nos ta en busca di e candidato corecto pa e posicion di: Redactor Digital

Resumen di Trabou:

Pa contribui cu un contenido noticioso riba un base diario, di acuerdo cu e politica, procedura- y obhetivonan estableci door di CSP cu tradicionalmente ta na vigor. Recoge y analisa hechonan encuanto eventonan cu un balor noticioso por medio di entrevista, investigacion, of observacion y prepara un contenido skirbi for di  investigacion, semper verificando e informenan y siguiendo estilo, gramatica y reglanan legal. Pa desaroya y mantene un red di contacto pa facilita e guia estableci.

Principal responsabilidadnan

  • Guia desaroyo di articulonan noticioso y actual for di su concepto te na su implementacion.
  • Desaroya programa/schedule y traha cu escritornan pa sigura un entrega na tempo di tur proyectonan. Redacta, edita y controla contenido di bo material
  • Crea y mantene contactonan nobo
  • Yuda desaroya e guia creativo di noticia/ contenido pa publicacion
  • Atende conferencianan di prensa, recepcion y saca potret ora cu ta necesario
  • Entrevista personanan personalmente of via telefon
  • Graba reunion y entrevistanan uzando grabadora y/of shorthand
  • Revisa comunicadonan di prensa pa potencial tipnan cu por sigui traha riba dje
  • Bini cu ideanan pa storianan noticioso y actual (Feature stories)

Exigencia of Rekisitonan

  • Habilidad pa traha cu medionan technologico
  • Excelente habilidad pa skirbi
  • Habilidad pa scucha bon y haci pregunta
  • Un mente investigativo y bibo, un berdadero interes den e ser humano, luga y eventonan
  • Mester ta interesa den asuntonan actual na tur nivel
  • Abilidadnan investigativo
  • Abilidad pa absorbe informacion rapidamente y skirbie den un estilo cu ta facil pa compronde
  • Determinacion y persistencia
  • Mester tin habilidad pa traha independiente como tambe den ekipo
  • Entusiasmo pa traha riba temanan noticioso cu ta sirbi interes di tanto e lectornan como e clientenan di e compania
  • Mester por papia y skirbi tanto Papiamento, Hulandes como Ingles bon (y Spaño ta un plus)
  • Mester tin conocemento di nos sistema legal y di politica.

Nos ta ofrece:

CSP NV ta ofrece un posicion cu retonan grandi den un ambiente dinamico. Salario y beneficionan ta di acuerdo cu e nivel di experiencia y educacion di e candidato.

Si bo ta reconoce bo mes den e perfil ariba describi, por fabor manda bo carta di solicitud y resume via email na: info@bondia24.com

You May Also Like

16jul, NW, mike eman.jpg

Prome Minister Mike Eman: Ainda tin cu acorda riba algun punto cu Valero

Ainda tin cu acorda riba algun punto cu Valero y ta sinti cu practicamente ...

DNM: Bahianan importante pa Aruba

Awe rond mundo ta wordo celebra e World Wetlands Day. Wetlands na Papiamento ta ...

Caminda di cruz pa haya cita cu algun dokter di cas

Tin dokter di cas unda pashentnan ainda mester cana un caminda di cruz pa haya ...

Cas Marie: problema Alzheimer ta creciendo

Cas Marie ta indica cu e problema di Alzheimer ta creciendo na Aruba, pero ...

Scolnan Nos Paraiso, Maria Goretti y Pastoor Kranwinkel cera te dialuna

Ayera tardi SKOA a manda un comunicado pa informa cu Scol Preparatorio Nos Paraiso, ...