Fraccion di oposicion di AVP a lamenta cu e biaha aki, minister di Asunto Interior y di Reino, Raymond Knops, no tabatin tempo pa reuni cu nan.

Pero esaki no stroba nan pa entrega un documento contra prome minister, Evelyn Wever-Croes, na e mandatario Hulandes durante un manifestacion di simpatisantenan di partido AVP dilanti di e oficina di representacion Hulandes na Aruba (VNO).

Ayera durante un conferencia di prensa na cas di partido AVP y contestando pregunta di Bon Dia Aruba, lider di Fraccion di AVP, Marlon Sneek, a declara cu e peticion pa reuni cu Knops a wordo canalisa via Parlamento di Aruba. Ademas pa medio di un e-mail di e organo legislativo nan fraccion a wordo confirma cu nan tabatin un afspraak cu e mandatario Hulandes, pero despues nan a haya informacion cu e afspraak no ta sigui. Tambe Sneek a referi cu ainda e KB no a wordo kita for di mesa.

Acusacion.
Como oposicion nan ta acusa e prome mandatario di Aruba di conflicto di interes, entre otro como gobierno nan a contrata un bufete di abogado di cual su tata y e mes a yega di forma parti. A pesar cu Knops a ricibi e controversial documento aki, no ta conoci si e contenido di e documento aki lo wordo considera di parti di e mandatario Hulandes.

Sneek a agrega cu den pasado semper tabata asina, caminda ora cu e mandatario ta bin Aruba e tabata sinta cu e diferente autornan, no solamente cu Parlamento, sino te hasta tin biaha cu gremionan pa haya un ‘feeling’ con tur cos ta canando riba e isla. “Pero nos ta mira cu ta un biahe relampago,” el a bisa.

Ehecucion di KB.
E no ta descarta cu eventualmente Knops a bin explicitamente pa concretisa algun di e puntonan di loke a wordo comprometi na luna di december pasa. “Nos por a scuch’e bisa tambe cu e KB no ta fo’i mesa,” el a bisa.

Pues e presupuesto 2020 mester bay cumpli cu loke nan a compromete; y si gobierno ta cumpli cabalmente, e ora ey si e KB ta sali for di nan agenda. Den otro palabra -segun Sneek- e contenido di e KB mester wordo ehecuta den e presupuesto 2020, sino e KB ta bin.

 

LEAVE A REPLY

Please enter your comment!
Please enter your name here