Oxybenzone ta mata nos coralnan y caba cu e biodiversidad marino

ORANJESTAD – Den e siguiente articulo Directie Natuur en Milieu (DNM) lo enfoca ariba e kimico Oxybenzone cu ta un componente cu ta forma parti di productonan antisolar. Oxybenzone tambe ta forma parti di e proyecto di ley ‘Choose Zero’ pa motiva pueblo pa no uza productonan cu ta contene e kimico oxybenzone.

DNM a enfoca den un edicion anterior ariba e prohibicion di plastic di un solo uzo como parti di e proyecto di ley. Pero e kimico presente den productonan anti solar tambe ta forma parti di e conscientisacion. Pasobra ora e kimico aki drenta den nos lama e ta daño na nos coralnan y e bida marino. E proyecto di ley ta encera prohibicion di e importacion, benta, distribuicion, y entrega gratis di productonan di plastic di un solo uzo y productonan cu ta contene oxybenzone.

Sa uza oxybenzone den plastic pa filtra e rayonan UV (ultra-violet) y tambe pa stabiliza y fungi como proteccion di rayonan UV solar pa preveni reaccion kimico den e producto antisolar. No solamete ta encontra e kimico den productonan antisolar pero tambe den hairspray, cosmetica y tambe den pinta huña.

Ta berdad cu oxybenzone ta yuda preveni kemadura ora Bo ta expone na hopi solo, pero ta mas mihor pa evita e daño cu e ta haci na nos coralnan y cerca hende e falta di balans hormonal.

Pa tuma e precausionan necesario, por lesa e lista di ingrediente riba e producto si oxybenzone ta forma parti di e ingredientenan. Kies pa proteccion alternativo manera, evita solo entre orarionan 10’or di mainta y 3’or di atardi, bisti paña di catuna manga largo cu ta cubri suficiente cuero. Uza un sombre y tambe tin productonan cu No ta contene e kimico ey.

Conforme investigacion scientifico international riba coralnan, e raport ta conclui cu e kimico oxybenzone tin consecuencianan dañino pa coralnan, cu ta e matanan di lama. E kimico ta yega den lama of awa terenal door di hende. Tanto local como turista. Asina cu e presencia di e kimico ta den exceso e ta ataca e funcionamento ecologico di e coralnan y afecta e biodiversidad marino . Ta comproba cu unda tin mas actividad y concentracion di hende cu ta uza productonan antisolar cu oxybenzone, e estado di e coralnan ta clasifica como uno di preocupacion ambiental di risco halto.

Un biaha mas, proyectonan di ley manera esun aki ta cubri un rol preventivo. E t’ey pa yuda tene nos naturalesa y medio ambiente den un estado sano pa nos mes y futuro generacion. DNM ta sugeri un calidad di bida mas halto sin uzo di productonan di plastic di un solo uzo y productonan cu ta contene oxybenzone.

You May Also Like

Den proximo 48 ora lo intensiva evacuacion di mas hende di St. Maarten pa Aruba

Ayera Rino Hermans di Bureau Rampenbestrijding ta informa Bon Dia Aruba cu ya caba ...

‘Pakico bisa cu paga online pa mas facilidad y no ta berdad’

ORANJESTAD – Bon Dia Aruba a pasa dilanti Departamento di Impuesto, unda rij largo ...

‘Meter subsidia y no truck di distribui awa pa agricultura’

Un problema grandi cu nos cunukeronan local ta confronta pa añanan algo  tin di ...

7Apr, JO, Colegio Rector.JPG

Rector nobo pa Colegio Arubano: Un Rector Hulandes por wordo paga mas cu un local

Presidente di Stichting Middelbaar Onderwijs Aruba (SMOA) su Hunta di Supervision, sr. Baart Kool ...

Sindicato no a para keto durante ultimo gobernacion

Lider sindical di FTA, Hubert Dirksz a rechasa cualkier critica si gremio sindical tabatin ...

HOLO CHINES ARTICLE.jpg

Holo y smaak straño di producto alimentacion Chines ta keda un misterio

Den un entrevista cu Yvette Geerman di Departamento Di Salubridad Publico, el a splica ...