Awe mainta durante conferencia di prensa caminda a anuncia e prome tres candidatonan oficial cu lo forma parti di e asina yama ‘E Forsa Nobo’, sr. Otmar Oduber a duna di conoce cu e nomber oficial di e partido lo ta P.O.R. (Pueblo Orguyoso y Respeta).
E plataforma mes lo keda oficialisa diadomingo awor na Cas di Cultura, caminda lo anuncia mas candidato pa e partido nobo aki. E tres candidatonan cu a keda anuncia awe mainta ta Joselin Croes, Michella Steenvoorde-Lacle, y Jacqueline van Putten.
Bon Dia Aruba lo papia cu cada un candidato pa elabora riba nan plannan pa Aruba.
