(AP) – Varios diferente comercial y anuncio a aparece como parti di e union di e presentadornan di television di parti anochi, kendenan a uni pa trece atencion y enfoke riba cambio di clima.

Ocho anfitrion di programacion di anochi laat a duna un porcion di nan programa riba diaranson y comienso diahuebs na e causa, parti di un siman den cual lo tin varios iniciativa pa combati cambio di clima, danki na e reunion di Asamblea General di Nacionnan Uni na New York.

“No ni sikiera pensa di cambia canal na otro programa,” Jimmy Kimmel di ABC a bisa. “Nos tur ta enfoca riba e topico aki awe nochi. Bo no por scapa. E ta basicamente un intervencion. Nos futuro ta den peliger.”

Den un caso, nan a hasta combina nan forsa, James Corden di CBS y Seth Meyers di NBC a usa un pantaya parti den mita pa habri nan programacion di 12:30 di madruga hunto.

“Crisis resolvi,” Stephen Colbert di CBS a bisa, “di mesun manera cu tur e celebridadnan a canta ‘Imagine’ y a caba cu COVID.”

Apertura di Colbert su ‘Late Show’ tabata un anuncio falso pa ‘Trojan Buzzkill’, un condom cu ta trece un hecho di e clima riba e empake.

Notando cu tabata e prome dia den e temporada nobo aki, anfitrion di NBC su ‘Tonight Show, Jimmy Fallon a bisa cu “algun persona ta tristo cu e temporada di vakantie a pasa, pero danki na e cambio di clima, te ainda nos por disfruta di e temporada caluroso.”

Kimmel a haci yamado na su audiencia pa actua, habriendo e programa cu un montahe di politico y pastoornan ta desacredita ciencia. El a mustra tambe un video di aña 2003 den cual difunto senador John McCain tabata purba di convence su coleganan cu cambio di clima ta importante. “Te ainda nos ta actua manera cu esaki ta algo cu pa cual nos no mester preocupa pa 20 aña,” Kimmel a bisa.

El a pidi televidentenan pa contacta legisladornan, mustrando un number di telefon di Washington riba pantaya y a bisa “ora cu cuminda caba, nos ta bay come nan prome.”

Riba “The Daily Shiow,” Trevor Noah su monologo a enfoca riba hechonan poco conoci tocante cambio di clima. Pa motibo cu e encuentro sexual di turtuga ta determina en parti pa con cayente e santo ta unda mester pone e webonan, y tin tiki abundancia den turtuga femenino, e especie ta den riesgo a largo plaso.

Esaki a lidia na un serie di chistenan tocante e turtuganan masculino cu tin cu traha “overtime.”

“E ta bay causa cu e baby showernan lo ta hopi laf, nos lo sa e genero di e babynan caba,” Noah a agrega.

Meyer’s a dedica un porcion di su “A Closer Look” pa papia riba e topico tambe, notando cu recientemente tabatin un tornado na New Jersey. “Bo sa cu e tabata un tornado di New Jersey pa motibo cu e tabatin un trahe bisti y e tabata golpiando un restaurant pa placa.”

Hopi di e programanan aki su invitadonan tabata presente specificamente pa papia tocante e topico, manera Jane Goodall na e ‘Tonight Dhow’ y Bill Gates na Corden su “Late Late Show.” Na luga di canta, Shawn Mendes a papia tocante cambio di clima cu Colbert.

“Mi por bisa algo personal? Corden a bisa Gates. “Danki pa ta e unico biyonario cu no ta purbando di scapa di e planeta den un astronave aworaki.”

LEAVE A REPLY

Please enter your comment!
Please enter your name here