Un polis Mericano a sufri di un stroke mientras cu e tabata vacaciona aki na Aruba siman pasa. Awo su coleganan ta purbando pa yuda e famia recauda fondo pa cubri gasto di 38 mil dollar pa por paga su trasporte bek pa Merca. E costo ta asina halto mirando su estado di salud, dokternan ta lage viaha solamente via Medivac, cual ta air ambulance.
Mitar di Sr. Michael Howe cu ta e polis/veterano su curpa ta paralisa y pues e no por viaha riba su mes, ya cu dokter no ta permitie. E unico manera cu e por bay bek su pais ta sea ta via helicopter of avion cual gasto ta 38 mil dollar segun e pagina di GoFundMe y e gasto no ta wordo cubri pa seguro. Den 10 dia e pagina a logra riciibi 143 donacion cu a yega e suma di 10 mil dollar.
