Despues di tabatin problema den relacion, 2 Polis femenino cu tabata traha hunto antes, a haya problema. Esaki a resulta den e hincamento di un di e Polisnan. Actualmente Landsrecherche ta investigando e caso.

Antes, segun e fuente, e Polisnan tabata traha hunto, pero actualmente un ta na warda di Santa Cruz y e otro ta na central. Ta trata aki di Joanne Winklaar (kende ta traha na central) y Paola Alvarez (Santa Cruz). E confrontacion lo a pasa diasabra ultimo y e lo a trata un argumento cu a bay for di man, resultando den un pelea den cual tabata envolvi arma blanco, esta un cuchiu.

E agente cu a sufri e heridanan, esta Alvarez, a bay hospital pa cuido medico. Segun e portal e agente herida a bay cas despues di trata su heridanan na hospital, cual tabata envolve ademas di cortamento na su curpa, un sla na boca.

Joanne Winklaar ta deteni y cera na warda di Shaba, pendiente e investigacion di Landsrecherche. Segun e portal a opta pa laga e investigacion den man di Landsrecherche mirando cu Winklaar su tata ta traha como ambtenaar di polis den e seccion encarga cu investiga asuntonan interno policial (Bureau Interne Zaken en Onderzoek).

 

LEAVE A REPLY

Please enter your comment!
Please enter your name here