Parlamentario Alan Howell (POR): Protocol firma pa ministernan di Husticia y Transporte lo yuda screening

ORANJESTAD – Parlamentario Alan Howell, comentando riba e situacion di Venezuela, a indica cu e ta compronde cu tur hende kier un miho bida pa nan yiunan, pero no por permiti un ‘free for all’ na nos isla.

P’esey mes e ta contento cu minister di husticia y minister di transporte a firma un protocol cu aerolineanan cu ta bula entre Aruba y Venezuela, den cual ta intercambia informacion riba e nombernan di e pasaheronan cu ta bin Aruba pa pasa nan vacacion. Di e manera aki, di antemano por tin un idea ken ta personanan cu a reserva un pasashi pa bin Aruba, y por haci un miho screening prome cu e pasaheronan aki yega.

Esaki debi cu tin personanan cu ta reserva pasashi pa bin Aruba pa vacacion, y no ta regresa nan pais bek. Cu e protocol aki, lo por tin un miho bista riba cierto personanan prome cu nan yega Aruba, pa sa ken nan ta, ki intencion nan tin y si berdad nan ta bin Aruba pa pasa un dushi vacacion, of pa bishita nan ser keri.

E screening aki tambe por yuda pa wak si ta trata di personanan cu posiblemente lo por a wordo deporta den pasado, y asina por hasta preveni cu nan ta subi avion pa yega Aruba, y despues ora nan ta na inmigracion, nan wordo avisa cu nan mester bay nan pais bek.

P’esey mes, Howell a expresa den nomber di fraccion di POR, a indica cu e ta contento di mira e avancenan cu minister di husticia hunto cu minister di transporte a logra, pasobra esaki ta netamente preguntanan cu ciudadanonan ta puntra cada dia, y cu e mes a puntra den parlamento, esta ki plannan tin pa nos fronteranan ta bira mas sigur.

Mas aleu el a bisa cu pronto lo bay implementa un tipo di ESTA di Merca, cual e ta sigur lo yuda pa nos por tin un adelanto riba e personanan cu kier bin Aruba pa vacacion y tambe riba esunnan cu ta bin pa echa baina y no tin intencion di bay bek.

 

You May Also Like

Rene Herdé (AVP): “Ainda nos ta warda bo prueba”

Algun siman pasa e lider di MEP a lansa un acusacion baho pero sin ...

‘Na ningun momento e coalicion di MEP-POR-RED a mara man di minister ni pone bao curatela’

Parlamentario Edgard Vrolijk: Durante e conferencia di prensa di MEP, parlamentario Edgard Vrolijk den ...

Politica mester di hende muhe, cu kier bringa pa derecho di hende muhe

Den transcurso di añanan diferente pais na mundo a mira un interes grandi pa ...

Mike Eman contento cu CDA su programa pa union Europeo

ORANJESTAD – Recientemente ex brommer minister Mike Eman y lider di AVP tabata huesped ...

‘Vision 17-21 Hunto Nos Por’ ta contene splicacion amplio di deseonan di pueblo

Diamars partido Pueblo Orguyoso y Respeta (POR) a publica nan plan di gobernacion. E ...