Durante e reunion publico cu a tuma luga recien den Parlamento pa trata presupuesto di Controlaria General y Parlamento di Aruba mes mester a continua, pero debi na algun aspecto tecnico esaki a wordo posponi pa oranan di atardi.
Vice Presidente di Parlamento, Alan Howell a indica cu for di Parlamento mes a bin un amienda y a ripara cu tabatin algun detaye den esaki cu mester a wordo drecha, e ora a dicidi pa continua cu e reunion asina cu Griffier realisa e cambionan necesario, y esaki a cuminsa pa 2:30.
Mester menciona cu Alan Howell ta presidi e reunion aki debi cu Presidente di Parlamento Ady Thijsen ta presidente di e comision fiho di Centraal Huishoudelijke Aangelegenheden (CHA) y como tal no por dirigi e reunion publico aki.
