Parlamentario Endy Croes (MEP): Historia y E Berdad: Danki AVP! AVP a redobla debe nacional di 43% pa 93%; Hulanda kier trece  bek na 50%

Parlamentario Endy Croes durante su disertacion diahuebs ultimo den Parlamento durante un Openbare Bijeenkomst unda a trata desaroyo di e negociacionnan cu Hulanda a splica na placa chikito kico realmente banda di e corona crisis a trece nos den e posicion desbentahoso aki. Esaki  tin nomber y fam Mike Eman y AVP.

IMF Debt Anchor GDP 55% mientras MEP a laga esaki na 43% na 2009:

IMF den diferente rapport a expresa cu e debe nacional di un isla manera Aruba no por surpasa 55%.  Den un rapport “Kleine eilanden Grote uitdagingen” traha pa Economisch Bureau Amsterdam ( EBA) cual recien den luna di mei 2020 a wordo entrega y trata den Tweede Kamer a bolbe cita e rapport di IMF.” Den 23 aña di Status Aparte esta di Januari 1986 te dia 31 di october 2009 momento cu MEP a sali di gobierno e debe nacional di pais Aruba tabata ( GDP) 43%. Pues bou di e 55% cu IMF ta recomenda. Pues ta papia di un Aruba sostenibel y saludabel financieramente. Nos ta cita parti di e rapport di IMF cual a bini bek den e rapport di Kleine eilanden Grote uitdagingen riba pagina 17: “countries should aim to achieve debt to GDP levels that do not impede growth by adopting polices that put debt on a trajectory towards the 55% percent threshold. Governments should target debt levels below the estimated threshold (55%) to cater for recessionary periods”. Un Debt Anchor di 55%. Pues pa tur e show di AVP na 2009 awe e berdad ta riba mesa y ta ilustra cu MEP tabata tin un bon maneho financiero bou di Nel Oduber y Nilo Swaen e tempo aya y ta e show politico di Mike Eman y influencia di  prensa cumpra a trece duda den pueblo cual a brinda AVP (2) oportunidad pa goberna nan so. Esaki a desemboca den e desgracia historico pa Aruba redoblando e debe nacional den apenas 8 aña lagando un desaster financiero atras.

AVP a redobla e debe nacional di 43% pa 93%:

Parlamentario Endy Croes a mustra cu prueba di rapportnan di Banco Central con den e prome 23 aña di Status Aparte desde 1986 pa 31 october 2009 tur signatura di gobiernonan a laga nos pais Aruba den un posicion financiero manehabel y sostenibel cu un debe nacional di 43%. ( Bou di 55% cual ta recomendacion di IMF).  kico a tuma luga desde October 2009 pa 17 November 2017 ( periodo di AVP) tabata algo desastroso. AVP a redobla e debe di 43% ( october 2009) pa 93% ( nov 2017). AVP a presta 2000 miyon pa cera deficit di nan presupuestonan durante 8 aña y riba esaki un otro 1600 miyon pa proyectonan Bo Aruba ( tin un rapport di Algemene Rekenkamer riba esaki). Pues un total di 3600 miyon florin. Riba tur esakinan AVP a mara Aruba na proyectonan PPP “off balance” unda e pueblo aki mester paga 20 aña largo un suma di 82.4 miyon pa aña. Tur esakinan mas un interes di 232 miyon florin pa aña riba tur e placa cu nan a presta.  Esaki tin nos awe unda nos ta. Danki AVP!  Esaki ta e desaster real cu AVP a causa conoci tambe como e Mega Debe. Parlamentario Endy Croes a splica cu e realidad aki mester keda graba den Parlamento y p’esey a haya hopi necesario pa conta pueblo e puro berdad. Pa conclui esaki Mike Eman a grita den Parlamento cu e ta orguyoso di e debe mientras Benny Sevinger ta grita I dont give a damn. ( Het kan verkeren). Si no ta pa e actitud y maneho bochornoso di Mike Eman y AVP awe Aruba lo ta den un posicion mucho mas miho y lo tabata tin shocks pa pasa door di Corona Virus y no ta na rudia pa ayudo. Laga e les di bida aki siña nos como pueblo cu palabra bunita y engaño yuda pa prensanan comprometi no ta sirbi e pais ni nos futuro generacion. Ban haci e promesa pa scoge Bo dirigentenan cu ta traha cu amor berdadero  pa nan pueblo. MEP ta graba den historia pa esaki!