Parlamentario Endy Croes a vocifera cu Diamars 30 di Maart pa 2 pm den Parlamento di Aruba tabata tin un Openbare Bijeenkomst unda Promer Minister Evelyn Wever Croes a duna un splicacion amplio alrespecto e proposicion di Ley esta e Rijkswet Caribisch Orgaan Hervorming en Ontwikkeling y e conseho devastador di Raad van State contra esaki di e forma cu el a wordo presenta.

COHO su proposito:

Di acuerdo cu documentonan e meta di COHO ta pa logra lo siguiente: Hervorming esta reforme admistrativo, finanzas publico duradero y sostenibel y un economia resiliente. Esaki inprincipio kier logra cu COHO. Banda di esaki COHO lo duna sosten pa logra e reformenan necesario, drecha e Finansas Publico, drecha e structura economico, structura di educasion y funcionamento di Gobernacion.

Raad van State ta conclui cu mester re-evalua e proposicion di rijkswet:

Raad van State despues cu nan a analisa e ley a conclui cu Knops mester re-evalua e proposicion di ley cu el a entrega. Proposicion di COHO ta basa riba 4 tarea primordial. E promer tarea ta supervision riba desaroyo y implimentacion di proyectonan y programa y medidanan di aparato gubernamental y empresanan pubico. E di dos tarea ta inicia y stimula proyectonan di acuerdo cu temanan discribi den e landspakketten. Di tres tarea COHO lo duna asistencia y subsidio na civil y privaatrechterlijke di acuerdo cu peticionnan hasi incluyendo companianan estatal di gobierno unda COHO mes por participa den compra di Shares di dicho companianan estatal. Di cuater tarea di COHO ta cu COHO por bay over na un supervision financiero mas estricto riba pagonan di gastonan di gobierno di un pais. ( Aruba, Curacao, St Maarten). Pa por logra hasi esaki posibel mediante e rijkswet proponi ta otorga COHO diferente autorisacion legal. Por ehempel COHO ta haya e poder pa pidi tur datos y informacion di entre otro gobierno y companianan estatal. COHO ta haya e poder alavez pa hasi doorlichting den gobierno y companianan estatal. COHO tin autoridad tambe pa duna instruccion unda pa cumpra “goederen en diensten” sin cu e gobierno di dicho pais por tin algo di bisa den esaki. Esakinan ta algun poder cu COHO lo haña si e rijkswet pasa manera e ta actual.

Raad van State a constata cu COHO ta cruza cu gobierno:

Den e forma cu COHO a wordo presenta Raad van State di Hulanda a desbarata esaki totalmente. COHO ta haya podernan adkeri cu e lo bay sinta riba stoel di gobierno. “ Het COHO beschikt aldus over vergaande bevoegheden die ook aan het landsbestuur ( gobierno) toekomen.” Raad van State acht dit problematisch. Alavez raad van State ta accentua lo siguiente: Daarmee wordt de Minister van BZK niet alleen boven het COHO geplaats, maar ook boven het landsbestuur van desbetreffende land. Asina tin masha hopi liña cora cu ta wordo cruza den e propsicion di rijkswet aki. Parlamentario Endy Croes ta pidi su propio gobierno pa ban ta inteligente y ban bringa na un forma corecto pa nos derechonan. Aruba ta acepta ayudo di Hulanda y esey no ta e cuestion. Hulanda no por atrapa manera un orkaan riba ley pushando un ley contra Statuut mei mei den un pandemia y nos mester solamente teken bij het kruisjie. Parlamentario Croes ta contento cu e conseho di Raad van State di Hulanda a decifra e ley aki den su totalidad y ta spera cu Hulanda ta habri pa nos negosha algo husto pa paisnan den Reino. E conseho aki finalmente a laga Knops para blo sunu y spera Knops realisa locual e ta pushando den su ultimo rosea no ta corecto y habri posibilidad pa debati riba algo sostenibel pa tur paisnan den Reino.

 

LEAVE A REPLY

Please enter your comment!
Please enter your name here