Parlamentario Endy Croes ta keda lamenta e hecho cu cifrasnan y rapportnan di instancianan formal di pais Aruba tur ta ilustra e maneho financiero horible di Mike Eman y AVP. Ta tristo pa desgracia un pais di e forma aki. Si no tabata pa esaki awe Aruba no ta mendiga na Hulanda y ta para mucho mas fuerte riba su propio pia.

Debe Nacional di 43% na 2009 pa 93% pa 2017:

Desde October 2009 Mike Eman y AVP a asumi responsabilidad despues di a gana elecion na September 2009. E Debe Nacional na e momento ey tabata na 43%. IMF tin un Depth Achor establesi na 55%. Pues e Debe Nacional di Aruba despues di 23 aña di Status Aparte te na e momento ey tabata “way below” exigencia y standard establesi door di IMF. Kiko a tuma lugar durante e gobernacion di Mike Eman 1 y 2 ? Wel Mike Eman a fiesta cu plaka di pueblo y a presta ( segun rapportnan entre otro di Banco Central) 2200 mil miyon florin pa cover defecit mas 1600 miyon pa projectonan. Esaki consecuentemente a desemboca den un aumento di Debe Nacional di 43% na October 2009 pa 93% na November 2017 m,omento AVP a bay cas. Esaki ta e berdad sunu sunu.

Den 2019 a paga 232 miyon na interes:

Riba e desaster financiero y Mega Debe cu Mike Eman y AVP a crea e pueblo pagador di belasting mester paga e debe gigantesco aki na final. Riba plaka cu Mike Eman a presta Aruba a paga 232 miyon florin solamente na interes pa cu aña 2019. Esaki ta igual na 635 mil florin pa cada dia 365 dia pa aña. Esaki tambe ta otro berdad sunu cu mester deal cune. Kiko pueblo di Aruba a hasi Mike Eman pa ricibi un trato di e manera aki? No obstante esaki e ta graba den Parlamento momento Mike Eman a expresa publicamente cu e ta orguyoso di e debe y e debe tey pa nos tur bay page den futuro. Parlamentario Endy Croes ta sinti e expresion aki un falta di respet total p[a cada concuidadano di pais Aruba. Esaki no tabata tur como cu Benny Sevinger kende ta bou investigacion pisa di corupcion y soborno pa cu terenonan comercial den e caso Avestruz tambe a expresa den Parlamento I don’t give a damn. Esaki ta tipifica e mentalidad di AVP.Number 1 y number 2 di partido AVP tanto Mike Eman y Benny Sevinger ambos awe cu kehonan pisa contra nan bou investigacion. Mike Eman pa ricibi transferencianan di 50 mil dollar pa campaña y Benny den caso di corupcion. Tristo pa mira con nan a desgracia nos pida baranca y sin ningun tipo di respet of kisas duele pa lokual nan a comete ta hasta burla di henter un pais cu nan expresionnan. Pueblo merece mihor!

LEAVE A REPLY

Please enter your comment!
Please enter your name here