Siman pasa un biaha mas Minister Glenbert Croes a logra haya sosten unanime di Parlamento pa loke ta trata existencia di “Sociaal Crisisplan” pa aña 2020. Ta trata di ehecucion di diferente proyecto di importancia grandi pa e cadena social. Pero un motibo cardinal pakico Minister Glenbert Croes ta bolbe haya sosten unanime ta e motibo cu ehecucion di e plan ta conta cu transparencia te riba e ultimo detaye.

Implicacion presupuesto 2020.
Conforme presupuesto 2020 e gastonan di Sociaal Crisiplan lo keda den e cuadro di e normanan financiero. E beneficionan di e proyectonan cu ta wordo ehecuta ta bisto y a wordo presenta tambe na Parlamento na momento cu Minister a bin responsabilisa su maneho. Pa ilustra kico continuacion di e Sociaal Crisisplan kiermen pa 2020 nos ta accentua, entre otro, cu diferente proyecto na KIA, Directie Sociale Zaken, Voogdijraad, Orthopedagogisch Centrum, Bureau Sostenemi y e Fact Team lo continua.

Conseho di departamento di asunto social.
Hunto cu e peticion di Minister Glenbert Croes pa prolonga existencia di e Sociaal Crisiplan na 2020. Nos a tuma nota tambe di e conseho di departamento di asunto social. E director di e departamento, cual ta encarga cu ehecucion di e Sociaal Crisisplan tambe ta accentua cu continuacion ta cardinal. Asina so por garantisa continuacion di e progreso cu Minister Glenbert Croes a logra den e cadena social.

Pa conclui.
Parlamento completo ta bolbe sostene Minister Glenbert Croes den cuadro di e Sociaal Crisisplan. Fraccion di MEP di e banda aki ta sostene e maneho completo di e Minister manera e reduccion di desempleo cu el a logra. E reduccion aki a wordo señala den e investigacion cu a wordo haci door di Departamento di Labor. Na mes momento Banco Central tambe ta premira cu inflacion lo baha te na 1.3% den 2020 y cu turismo lo sigui crece cu 2.8% na 2020. Aña 2020 ta mustra sumamente positivo pa Aruba y yena cu oportunidad. Nos ta sigur cu e maneho di nos prome Minister, sra. Evelyn Wever-Croes, lo sa di capitalisa riba e oportunidadnan aki.

LEAVE A REPLY

Please enter your comment!
Please enter your name here