(BBC) – Periodistanan Maria Ressa y Dmitry Muratov a gana e Premio Nobel di Paz pa nan lucha pa defende libertad di expresion na Filipinas y Rusia. E comite Nobel a yama e par ‘representantenan di tur periodista cu ta para pa e ideal aki’.
Nan ta conoci pa investigacionnan cu a rabia gobernantenan di nan paisnan, y a enfrenta menasa signifciante.

Ambos a papia den defensa di libertad di prensa despues di a gana e premio.

Ressa, kende ta co-fundador di e website noticiero Rappler, a keda elogia pa usa libertad di expresion pa ‘expone abuso di poder, uso di violencia y autoritarianismo creciente na su pais natal, Filipinas’.

E comite Nobel a bisa cu Muratov, co-fundador y editor di e corant independiente Novaya Gazeta, pa varios decada a defende libertad di espresion na Rusia bao condicionnan cada bes mas dificil.

“Periodismo liber, independiente y basa riba hecho ta sirbi pa protege contra abuso di poder, mentira, y propaganda di guera”, e comite a bisa den un declaracion. “Sin libertad di expresion y libertad di prensa, ta bay ta dificil pa promove exitosamente fraternidad entre nacionnan, desarmamento y un miho orden mundial pa ta exitoso den nos tempo”, a agrega.

Mas informacion riba pagina 29.

LEAVE A REPLY

Please enter your comment!
Please enter your name here