Cinco di e seis turista stranhero deteni pa autoridadnan Peruano diadomingo ultimo pa motibo di dañonan na ciudad Inca di Machu Pichu, lo bay ta deporta y otro lo bay huicio, pa trata di saca un piedra.

Diadomingo ultimo autoridadnan a detene Nahuel Gómez, di 28 aña di nacionalidad Argentino, hunto cu e Frances Marion Lucie Martínez (di 26), e Chileno Favián Eduardo Vera (30), Brasileñonan Cristiano Da Silva Ribeiro (30) y Magdalena Abril (20) y tambe Argentino Leandro Sactiva (32).

Gomes a confesa pa autoridadnan di a saca un piedra di un muraya di e ciudadm cu a cay desde un haltura di ‘seis meter’ y a haci un ‘buraco den e vloer’ di Templo del Sol, polis a informa.

Ley Peruano ta establece castigo di por lo menos 4 aña pa atentado contra patrimonio cultural.

Autoridadnan a hiba e cinco detenido pa Unidad di Siguridad di Estado di Cusco, 80 kilometer di Machu Pichu, unda autoridadnan di migracion y poder hudicial lo dicidi ki proceso nan lo sigui.

Un portavos di polis di Cusco a sigura cu e cinco detenidonan aki lo bay ta deporta, aunke no a duna detayenan ki dia.

Segun autoridadnan, e seis turista a drenta diasabra ultimo den e ciudad y a sconde pa keda durante anochi den su interior, un actividad prohibi.

E seis turista detenido supuestamente a drenta den zona prohibi den e ciudad y a daña e famoso Templo del Sol, construi cu bloki di granit seis siglo atras pa rendi culto na solo, e mayor deidad Inca. Parti di e construccion tin acceso prohibi pa faborece su conservacion.

 

 

LEAVE A REPLY

Please enter your comment!
Please enter your name here