(AP) — Residentenan di cinco pueblo chikito di mineria di oro na region Arequipa den sur di Peru a lucha ayera pa salba pertenencianan despues cu tera cu a los pa motibo di yobida fuerte a mata al menos 12 persona y a basha lodo, awa y piedra cu a destrosa casnan precario y otro edificionan.
Den municipalidad Nicolas Valcarcel, den fronteranan di area di extraccion minero agota na provincia Camana, hende desesperadamente tabata busca cualkier cos cu nan por a scapa di e lodo.
Agencianan di ley a manda 15 trahador di rescate na e area y tabata spera cu nan lo yega Secocha atardi laat pasobra e lodo a blokea e caminda, segun agnete di polis Giancarlo Vizcarra.
Vizcarra a bisa cu despues cu nan yega Secocha, e trahadonan di rescate ta bay purba yega na e pueblonan mas remoto pa busca pa curpanan cu por ta dera bao di e lodo cu ayudo di dos cacho cu a train pa busca hende despues di temblor.
Un oficial local di Defensa Civil a bisa dialuna cu al menos 26 persona a fayece den e incidente, pero ayera un fiscal a bisa AP cu a confirma 12 morto y tres hende tabata registra como desaparecido.
