(AP) – Dosis pa mucha di e vacuna di Pfizer contra di COVID-19 aparentemente ta casi 91 porciento efectivo den prevencion di sintoma di infeccion den muchanan di entre 5 pa 11 aña di edad, segun detayenan di un investigacion publica riba diabierna mientras cu Merca ta considera habri vacuna pa e grupo di e edad aki.

E vacuna por cuminsa den comienso di november, cu e prome muchanan completamente vacuna prome cu Pasco, si reguladornan aproba esaki.

Detayenan di Pfizer su estudio a ser publica online. E Food and Drug Administration ta premira di publica su reviso independiente di e compania su datonan tocante efectividad y siguridad mas despues den e dia.

Conseheronan di e Food and Drug Administration lo publicamente debati e evidencia otro siman. Si e agencia dicidi di autorisa e vacuna, e Centers for Disease Control and Prevention lo tuma e decision final tocante ken mester ricibi esaki.

Dosisnan regular di e vacuna di Pfizer ya caba ta autorisa pa edadnan ariba di 12 aña, pero e pediatranan y hopi mayornan ta wardando ansiosamente pa proteccion cu por duna na e muchanan mas hoben, pa combati e infeccionnan cu ta keda aumenta di e variante extra contagioso yama delta, y yuda e muchanan na scol.

Mas di 25,000 pediatra y proveedor di cuido primario ya caba a inscribi pa cumpra e vacuna pa muchanan chikito.

E administracion Biden ya a cumpra suficiente dosis di mucha, den capsula special di otro color cu esun regular, pa distingui nan di e dosisnan regular, pa e nacion su casi 28 miyon muchanan di 5 pa 11 aña. Si e vacuna keda aproba, miyones di dosis lo ser manda den e pais hunto cu hanguanan chikito.

Un estudio di Pfizer a track 2,868 mucha den e grupo di edad aki cu a ricibi dos dosis cu 3 siman entre nan, sea cu un dosis di placebo of dosis baho. Cada un tabata un tercer parti di e cantidad duna na adultonan y hobennan.

Investigadonan a calcula cu e dosis baho aki ta 91 porciento efectivo, basa riba 16 caso di COVID-19 den hobennan cu a ricibi dosis di control, compara cu 3 caso den e muchanan vacuna cu e vacuna. No tabatin ningun malesa severo reporta den ningun di e muchanan, pero e muchanan vacuna tabatin sintoma hopi mas leve cu e muchanan vacuna.

Den adicion, muchanan hoben duna e dosis abao a desaroya nivelnan di anticurpa pa combati coronavirus mesun halto cu esun den hobennan y adultonan cu a ricibi e dosis regular.

Esaki ta informacion importante pa motibo cu hospitalisacion di mas tanto muchanan no vacuna a yega nivelnan record luna pasa.

E Centers for Disease Control and Prevention a reporta anteriormente e siman aki cu te hasta mientras cu e virus delta a surgi entre juni y september, vacunanacionnan di Pfizer tabata 93 porciento efectivo den prevencion di hospitalisacion entre muchanan di 12 pa 18 ana di edad.

Pfizer su estudio pa muchanan mas hoben a haya cu e vacunanan di dosis abao a comrpoba cu nan ta sigur, cu efectonan similar of temporal como efecto secundario, manera dolor di man, keintura of e dolor di curpa cu hobennan ta experiencia.

E estudio no ta suficentemente grandi pa detecta algun efecto secundario cu por ta menos comun, manera e inflamacion di curason cu sa tuma luga despues di e di dos dosis, mas tantto den muchanan hoben.

Mientras muchanan ta core un riesgo mas abao di malesa severo of morto cu personanan mas adulto, coronavirus a mata mas di 630 Mericano di bao di 18 ana di edad, segun e Centers for Disease Control and Prevention. Casi 6.2 miyon muchanan a keda infecta cu coronavirus y mas di 1.1 miyon den e ultimo 6 siman den medio di e brote di e mutante delta, e American Academy of Pediatrics a bisa.

Moderna tambe ta studiando su vacuna di coronavirus den scolnan basico. Pfizer y Moderna ta studiante muchanan mas chikito tambe, te cu 6 luna di edad. E resultadonan ta premira di bin fin di aña.

LEAVE A REPLY

Please enter your comment!
Please enter your name here