Finanzas

Maneho financiero di Pais Aruba ta orienta riba logra un futuro financiero sostenible y resiliente, despues cu e crisis di Covid-19 a debilita economia di e pais. Tambe ta mantene un maneho financiero den cuadro di e acuerdonan den e protocol cu Hulanda na 2018 y den e `Landspakket’.

Pa trece nos pais na un situacion financiero solido, duradero y saludable, gobierno lo enfoca riba e siguiente puntonan di accion:

Maneho financiero

Reduci e debenan nacional door di realisa surplus financiero presupuestario continuo, den combinacion cu crecemento economico.

Reduci structuralmente gasto di personal den combinacion cu proyectonan menciona den Landspakket.

Fortifica y monitorea control di gasto pa baha gasto innecesario.

Fortifica e columna financiero; analisa e posicion di e Colegionan Superior di Estado

(Controlaria General, Auditoria, y Raad van Advies).

Stimula uso di informacion estadistico pa hunga un rol mas eficiente pa sustancia maneho.

Ahusta e maneho di subsidio pa bira mas eficiente y efectivo.

Investiga e maneho di compra di gobierno pa fortifica e sistema di compra na uno mas

efectivo.

Pa loke ta impuesto, ta intencion di:

Continua cu e restructuracion di Reforma Fiscal den su totalidad, pa crea un sistema di impuesto

mas husto y mas eficiente.

Move impuesto directo pa indirecto pa:

Amplia e base di cobranza

Mehora e poder di compra

Optimalisa e sistema/programa di compliance pa mehora e integridad den proceso. Amplia acceso y intercambio di informacion cu sector financiero

Continua cu modernisacion di Departamento di Impuesto (DIMP) pa por brinda un servicio mas eficiente y efectivo.

Cultura

Gobierno ta enfoca riba maneho di cultura teniendo cuenta cu, segun gobierno, cultura y arte ta determina e identidad di un persona, un pueblo y un pais. Cultura y arte tin anto un impacto significativo pa mehora calidad di bida di un pais, diversificacion di su economia y ta contribui na inclusion social y diversidad cultural.

Gobierno tin responsabilidad pa stimula conocemento y desaroyo cultural y arte, alavez preserva herencia cultural inmaterial y material. Gobierno tin tambe un rol importante pa stimula participacion activo di nos pueblo na actividadnan cultural

y di arte.

Pa stimula y promove cultura y arte, e maneho lo ta:

Desaroya un maneho integral di cultura pa un impacto educativo, social

y turistico.

Equipa Departamento di Cultura pa ehecuta e maneho integral cultural.

Institui un Conseho di Cultura pa supervisa implementacion di maneho cultural.

Introduci leynan necesario pa proteha herencia cultural, naturalesa y monumento.

Stimula preservacion y exposicion di arte.

Sostene organisacionan no-gubernamental pa formacion artistico di mucha y hoben.

Den Enseñanza:

Desaroya un Plan Educacional cu lo enfoca tanto riba educacion cultural fuera y dentro di enseñanza

Conscientizacion encuanto valor, significacion y uso di Papiamento.

Educa y conscientiza pueblo pa valora cultura, arte y reconoce nos propio talentonan.

Amplia y intercambia conocemento cu profesional, organisacion y instancianan cultural

.den colaboracion cu otro paisnan den Reino y tamb

e expande lasonan cu instanciananinternacional.

Intercambio cultural

Fomenta intercambio cultural local, entre islanan ABC y den region.

Equipa Departamento di Cultura pa contribui na desaroyo di e sector Creativo como un

di e sectornan prometedor di Aruba.

Crea oportunidad pa empleo por medio di e Programa di Aruba Outdoor Amenity

Economy pa esnan den e ramo di industria creativo manera obra di man, musica, arte culinario, souvenirs etc.

Crea oportunidad pa haya fondo cultural internacional.

Nota di redaccion:

Aunke no a duna informacion concreto tocante e impuestonan cu por kita, cual perdida di entrada por keda compensa pa e BTW cu lo introduci na 2023, tin varios impuesto cu ta trece poco placa den caha y cu ta costa bastante administracion pa por cobra. Por pensa por ehemplo riba zegelbelasting, dividendbelasting.