Sospechoso, Connor Betts di 20 aña, a mata 9 persona y a herida varios otro ora el a cuminsa tira na un area popular den oranan di anochi. Polis a logra tir’e den un confrontacion, segun nan informe.
Polis a tira Betts den menos di 1 minuut ora cu el a cuminsa tira cu un rifle caliber 223 na e caya di Oregon District 1’or di madruga. Esaki ta bira tiramento number 2 den menos di 24 ora. Polis no a duna ningun informacion di Betts, of e motibo.
Alcalde di Dayton, Nan Whaley, a bisa cu Betts tabata bisti proteccion na su curpa y tabatin capacidad halto adicional den tiramento. Si Polis no a reacciona lihe, e por a mata centenares di persona.
E luga ta conoci di ta un parti sigur den caya ‘di cas pa bar, restaurant y teatro’. Whaley a bisa cu medico a atende 27 persona cu herida. Algun otro ta den condicion serio y critico, segun hospital a informa den un conferencia.
Nikita Papillon, 23, a bisa cu el a crusa caminda ora tiramento a cuminsa. El a bisa cu el a wak un hende muhe tira na suela, kende el a papia cune pafo di Ned Peppers Bar algun rato prome. Segun Papillon,e mes a bay na e luga un dia prome, ‘un luga cu bo no ta pensa cu un hende lo drenta pa cuminsa tira’.
El a bisa cu hende di nan edad no ta pensa cu algo asina lo pasa, te ora cu e sosode, anto palabra no por describi. FBI ainda ta investigando e caso. A lanta un centro di asistencia pa famia na Dayton Convention Center pa yuda hende cu ta buscando informacion di victima.
E tiramento di Ohio ta bin apenas ora despues cu un hende homber a tira na un luga cu yen persona na El Paso, Texas, lagando 20 persona morto y decena di herido.
