Polis a logra para y detene chauffeur cu tabata core auto iresponsabel

For di Tanki Flip diadomingo marduga polis a duna señal na chauffeur di un hyundai accent A-37453 pa para pero e chauffeur a demostra cu e lo sigui core duro pa huy for di polis. Pero aki e no a logra polis tabata su tras y na final a logra pare na Tanki Leendert. A bay over na detene e chauffeur y hib’e warda pa pasa un test wak si e ta bou influencia. E manera cu e tabata core di trece trafico na peliger tambe a pone cu a core su tras y asina bay over na detene pa iresponsabilidad den trafico.