“Ta full cla pa Jouve caba, pues e intencion ta pa sake na ora y percura pa e ultimo grupo yega na ora tambe. Lo tin Faya bo Haya hunto cu e ristamento preventivo. Lo tin suficiente personal riba caminda cu e gruponan y tambe pa atende cu detenidonan.” Esaki ta informacion cu Bon Dia Aruba a ricibi riba pregunta na Liliana Rasmijn Vocero suplente Policial, tocante e preparacionnan pa un Jouvert Morning mucho mas grandi cu ta custuma cun’e
Preparacion manera pa parada
E Jouve a wordo prepara mescos cu ta un carnaval tin riba pia atrobe, pues un parada cu suficiente polis Mobiele Eenheid y Recherche entre otro. “Total riba 100 personal (inzet). Intencion ta pa e hendenan gosa como cu e ta un actividad hopi gusta. Ora e actividad caba tur hende ta bolbe bay cas y sosega pa Lighting Parade cu tin diasabra anochi na playa. cu tambe lo tin grupo grandi di polis.” Sra. Rasmijna enfatisa cu tur cos ta cla y cuerpo ta bon prepara.
E vocero kier a enfatisa pa mayornan ta consciente na parada di mucha cu ta diadomingo y pa cuida bon di muchanan. Tambe pa hendenan grandi comporta, bay trankilo riba caminda y baha man cu consumo di alcohol.
