Diabierna ultimo polis a detene 8 ilegal na Brikstraat y a pasa nan pa wardacosta. Personal di departamento di traficacion di hende lo interoga e doño di e cas unda e accion a tuma luga.
Riba prome di juni 2018 pa 3 or personal di polis: A.T., T.B.P. hunto cu Flex Team, U.G.C., U.M.M y K9 Unit a dal un inval na Brikstraat. Polis a detene 8 Venezolano y tur tawata ilegal.
E 8 detenidonan cu polis a pasa pa wardacosta ta consisti di 7 cu a drenta via boto y 1 cu no a drenta di e manera aki. Di e 7 tabatin 3 dama, 1 hoben masculino menor di edad y 3 persona masculino. Esun cu no a drenta via boto tambe ta un persona masculino. Polis a entrega nan na Guarda Nos Costa. Nan a informa cu personal di Unit Mensenhandel Mensensmokkel lo interoga e doño di cas.
