(AFP)—Un politico Australiano a pasa un momento berguensa diahuebs despues di a keda obliga di admiti cu durante un reunion oficial el a manda un mensahe di texto cu tabata bisa: “Mi trabou ta laaf.”
Mark Parton, lider di partido di oposicion Liberal Party den Australian Capital Territory, a enfrenta un keho e siman aki alegando cu el a manda e mensahe na un trahador sexual, segun medionan local.
Segun Canberra Times, Parton a skirbi: “Y caramba, mi trabou ta laaf. Bo no kier cambia cu mi?”, hunto cu un potret di un reunion di comision cu a tuma luga luna pasa.
Despues di inicialmente rechasa e keho completamente y describi esaki como un “campaña di difamacion”, Parton a bisa periodistanan diahuebs cu si el a manda e mensahe, pero a nenga cu e tabata destina pa un trahador sexual.
E no a revela ken a ricibi e mensahe y a defende su accion, alegando cu e ainda tabata “cumpliendo cu su deber di tene gobierno responsabel”.
“Tin hopi mensahenan priva cu hopi hende ta manda durante reunionnan y audiencia,” el a bisa.
“Mi ta kere cu ta apropia pa manda mensahenan priva cu no tabata destina pa publico.”
Parton tambe a admiti cu e tin “un estilo espontaneo y bromista di comunica”, usando un termino Australiano pa describi un persona cu tin un sentido di humor irreverente.
“Mi ta comprende cu mayoria hende ta considera audiencia di presupuesto bastante laaf,” el a agrega.
E keho oficial ya a ser descarta, mientras cu Parton a referi e presunto “acoso” na polis.
Ora AFP a pidi pa comentario, oficina di Parton a comparti un grabacion di e conferencia di prensa cu el a ofrece diahuebs.
