Segun Cuerpo Policial, tin informacion cu gangnan di Cayenastraat y Sabana Basora lo tin pensa di confronta otro durante e evenementonan di carnaval cu lo tuma lugar durante di simanan cu ta bin. Cuerpo Policial lo bay over na actúa mas duro pa mantene e orden público y e seguridad di e pueblo di Aruba. Cualkier informascion cu por tin, por libremente yama nan tiplijn 11141 y bo anonimidad ta garantisa.
Entrada hudicial
Awe mainta Cuerpo di Recherche a haci un entrada hudicial na Caya Dansa caminda nan a haya un arma di candela y bastante munishon. Un persona di fam M a wordo deteni y hiba warda pa mas investigacion. Mas informacion nos no a haya for di autoridadnan.
Nos ta pendiente cu Ministerio Publico en caso por tin mas informacio, y si e entrada hudicial aki lo por ta contecta cu e menasanan di gang cu a keda notifica.
