Kico pa haci 24 ora of 1 dia prome cu yegada di horcan (si acaso a wordo confirma cu un horcan ta na caminda)? y Kico pa haci durante y despues cu e horcan caba di pasa?
Mirando cu nos a drenta e temporada di Horcan, Directie Volksgezondheid, tambe conoci como DVG a publica tip pa asina informa e comunidad di kico por haci pa prepara pa e temporada di horcan aki.
Kico pa haci 24 ora of 1 dia prome cu yegada di horcan (si acaso a wordo confirma cu un horcan ta na caminda)?
Na prome luga, sigura cu porta y bentana ta claba of tapa cu ‘plywood’ of algun otro material fuerte. Charge telefon y demas aparatonan electronico esencial. Repasa bo plan di evacuacion y prepara weganan electronico y no electronico cu famia por usa pa entretene nan mes durante e siguiente ora y dianan.
Kico pa haci durante y despues cu e horcan caba di pasa?
Permanece paden den e espacio cu a ser designa. Scucha y sigui instancianan oficial pa noticia veridico. Den caso cu mester bandona cas pa cuestion di siguridad, haci esaki hunto pa un localidad mas cerca posibel sin lubida di hiba e tas di emergencia semper unda cu e famia bay.
Net despues di e horcan:
Keda informa door di sigui informacion duna pa instancianan concerni. Evita subi auto y mobilisa riba caretera si no ta necesario, specialmente unda tin camindanan of edificionan inunda. Si ta posibel, duna prome auxilio na es cu por tin mester di esaki. Cana cu cautela rond di cas y inspecciona si tin tubo di gas, meter di awa of waya di coriente cu por a kibra. Cera of desconecta esakinan si por. Percura prome pa bo mes y bo famia ta ‘safe’ despues por yuda esunnan den cercania cu porta mester ayudo y den caso di emergencia no lubida di yama 911 of 100.
Departamento di Salud Publico hunto cu Bureau Rampen Bestrijding Aruba lo sigui duna algun tip valioso, keda atento, informa bon!
