Presidente di Zimbabwe Robert Mugabe a retira awe, segun parlamentario Jacob Mudenda a confirma. Un carta di sr. Mugabe ta bisa cu e decision ta boluntario y cu el a haci esaki pa por tin un transicion di poder sin problema. E anuncio a bini di sorpresa anto a para un mocion di desconfiansa pa retira su persona for di e posicion. Hendenan a cuminsa celebra riba caya. Sr. Mugabe, 93, tabata te ainda e lider mas bieu na mundo.
El a nenga di retira anteriormente a pesar cu militar a tuma over siman pasa y olanan di manifestacion cu a tuma luga. E carta no a menciona ken ta bay tuma over awo e luga di Mugabe, kende ta den poder desde independencia di 1980.
Fuente: BBC
