Recientemente, Oficina Central di Estadistica (CBS) a publica e CPI mas recien, pa luna di maart 2026. Den esaki, a nota e cambio di prijs di petroleo, utilidad, gasolin y diesel.
Prijs di utilidad (electricidad y awa), gasolin y diesel ta determina primordialmente door di e prijs internacional di petroleo.
Na Maart 2026 e prijs promedio pa bari di petroleo (US$90.15) a conoce un aumento di US$ 25.60 (39.7%) compara cu Februari 2026 (US$ 64.55).
Prijs di electricidad y di awa no a cambia compara cu Februari 2026. Consecuentemente, e prijs promedio di electricidad pa vivienda a keda Afl. 263.67, mientras cu e prijs promedio di awa pa vivienda a keda Afl. 168.73.
Prijs di gasolin a registra un aumento di Afl. 9.80 cent (4.6%) na Maart 2026 y tabatin un efecto di 0.18 ppt riba e CPI.
Prijs di diesel a registra un aumento di Afl. 8.50 cent (4.4%) na Maart 2026 y a causa un efecto di 0.01 ppt riba e CPI.
Na Maart 2026, utilidad, gasolin y diesel como grupo, tabatin un aumento den prijs di 1.2% compara cu Februari 2026 y hunto tabatin un influencia di 0.20 ppt riba e CPI, mientras cu e restante 404 bienes y servicio hunto, a conoce un subida di prijs di 0.6% y tabatin un efecto di 0.55 ppt riba e CPI.
