E asina yama prohibicion di burka lo drenta vigor na Hulanda di a prome di augustus. E personanan cu ta bisti e paña cu ta tapa tanto nan cara como cabes na scolnan, transporte publico, hospital y edificionan publico lo haya un multa di 150 euro .

E prohibicion ta exigi cu e funcionarionan publico y trahadonan di transporte publico pidi e personanan cu ta cubri nan cara pa kita e prenda ofensivo of pa bandona e edificio. Si nan nenga lo yama polis. E senadoran a vota juni aña pasa na fabor di e propuesta controversial, 13 aña despues cu nan lo discuti pa prome biaha un prohibicion burka.

Na 2005 Tweede Kamer a apoya pa prome biaha un mocion di Geert Wilders y PVV pa asina prohibi e uzo publico di burkanan y na 2010 a inclui un prohibicion total den e acuerdo di coalicion na e instancianan di PVV. E coalicion aki a collapse despues cu PVV a retira su apoyo y a inclui un prohibicion parcial den e plannan di coalicion na 2012.

Na november 2016 Tweede Kamer a respalda e medida cu awo lo drenta na vigor. E Conseho di Estado cu ta e organo consultivo mas importante di gobierno, a recomenda pa no introduci un prohibicion, argumentando cu ya ta existi disposicionnan suficiente den ley pa exigi cu e personanan mustra nan cara.

Ta bisa cu alrededor di 150 hende muhe cu ta uza un burka of niqab diariamente na Hulanda. E criticonan ta bisa cu e efecto di un prohibicion lo hacie imposibel pa e muhenan aki sigui cu nan bida diario y ta haci cu e prohibicion lo ta un perdida di placa.

 

LEAVE A REPLY

Please enter your comment!
Please enter your name here