Awe nochi Aruba a ricibi e yegada di e prome 11 mil dosis di e vacuna di coronavirus, cu ta destina pa e gruponan di prioridad.
Riba su pagina di Facebook, gabinete Wever Croes a gradici secretario di estado Blokhuis y gobierno Hulandes pa nan rol den facilitacion di e vacuna pa Aruba.
Di su banda, prome minister Evelyn Wever Croes a comenta urgiendo ciudadanonan pa consulta cu nan dokter y registra pa ricibi e vacuna: “Un siman cu hopi speransa cu yegada di e prome 11 mil vacuna nan. Aruba mester di bo. Si bo no a registra ainda, por fabor registra. Unico cos cu bo tin mester ta bo number di AZV y den algun minuut bo ta cla. Si bo ta duda ainda of tin preocupacion pa cu e vacuna, papia cu bo dokter di cas. Ami a consulta mi dokter y el’a conseha mi pa tuma e vacuna. Cu e vacuna nos por cuminsa pensa realmente riba reconstrui nos pais economicamente. Aruba ta conta cu bo. Ami tambe ta vacuna, pasobra mi ta stima mi mes, mi ta stima mi famia y mi ta stima Aruba.”
Den otro noticia, ayera Aruba a registra un morto mas di coronavirus.
