Biblioteca Nacional Aruba (BNA) y Departamento di Cultura Aruba (DCA) hunto cu gestor cultural, Mirto Laclé, a presenta recientemente un actividad cu un programa masha varia pa duna apertura na un bon comienso di aña nobo 2020.

Un programa cu a inclui diferente disciplina manera Literatura, Arte, Cultura, Linguistica y Educacion en general. Ademas tabatin presentacion di charla, musica, declamacion y sketch. E actividad aki, bon concuri pa publico, a bira un ocasion special pa rindi tributo na e feliz memoria di Tony Thijsen, Embahador Musical Arubano, cu a bay laga nos na fin di luna di december.

E actividad aki tabata uno fructifero. Den dje a wordo invita algun oradornan, entre otro Sr. Sidney Joubert for di Corsou, kende a hiba charla tocante ‘Comision principal di ortografia di Papiamento di Siglo XX’.

Tambe a tuma luga e presentacion di e buki ‘E cuentanan di Nanzi’ pa Nilda Pinto Jesurun version Papiamento-Ingles. Tambe nan a enfoca riba dos obra di Pierre Antoine Lauffer.

Igualmente, Dr. Wim Rutgers, kende ta un profesional di ciencia di literatura, a bin cu un charla interesante, caminda el a pone enfoke riba personanan significante riba tereno cultural cu a nace na 1918 -1919-1920. Un trabou di investigacion cu trata di rescata recuerdo di personahenan di mas cu un siglo cu a duna su contribucion y legado importante pa nos pais.

LEAVE A REPLY

Please enter your comment!
Please enter your name here