(NLTimes) – E virus di Monkeypox a keda diagnostica na Hulanda pa prome biaha, e instituto di salud publico Hulandes RIVM a reporta. E organisacion ta bao e impresion cu tin mas persona infecta. Nan no a provee informacion tocante e persona su edad, genero ni tampoco su luga di residencia.

Anteriormente diabierna, RIVM a bisa cu tin varios posibel caso di Monkeypox na Hulanda. E muestranan a ser manda na laboratorio pa examinacion. Varios otro paisnan Europeo a descubri y diagnostica casonan caba durante e brote actual, y RIVM tabata al tanto cu dentro di poco tempo e mesun situacion lo tuma luga na Hulanda. E teoria aki a keda apoya pa e Minister di Salud Ernst Kuipers.

E virus ta nativo di Africa central y occidental. Ocasionalmente e sa surgi den otro paisnan, sinembargo tipicamente ta trata di un solo cas of di un persona cu recientemente a biaha bay Africa y por a keda contagia di otro persona. E brote actual ta sorprendentemente grandi. Infeccionnan a keda detecta na Australia, Belgica, Canada, Francia, Alemania, Italia, Portugal, Suecia, Spaña, Reino Uni y Merca.

E no ta conoci te ainda si e prome pashent na Hulanda recientemente a bay Africa. Varios pashent den otro paisnan no a biaha bay Africa recientemente. Ademas, hopi di nan no tabatin contacto cu otro, cual ta nifica cu e infeccionnan no ta relaciona cu otro, causando preocupacion den expertonan.

E vacuna general contra di smallpox tambe ta proteha contra e virus di Monkeypox, pero te ainda no ta sigur si e tipo di vacuna aki lo ser usa, segun Van Diesel. “Esaki ta un posibilidad. Pero, djis pa ta cla, nos no a yega na e punto aki ainda.” E no a descarta tampoco e posibilidad cu un politica di vacuna lo keda introduci. “Den cualkier caso, nos tin e vacuna pa esaki si e bira necesario,” Hefe di RIVM a conta RTL Nieuws.

Virologo Belgico Marc Van Rants a conta RTL Nieuws, “nos ta den teritorio desconoci pa motibo cu e brote no ta usual. Pa e momentonan aki e ta hopi trempan pa duna speculacion pa cu esaki.”

Hende por contagia cu e virus via contacto di cerca, por ehempel, pa medio di mishi cu un persona su herida habri. E particulanan di e virus tambe por ta riba sabana di cama, por ehempel. Den brotenan di Monkeypox anterior, e blaarnan tabata cuminsa sali na e cara, cu e casonan actual e blaarnan ta saliendo rond di e anus.

“Esaki ta diferente na loke nos sa di e virus,” RIVM a declara. Entre e pashentnan di Monkeypox tin un cantidad significante cu tabatin relacion sexual cu otro hende homber, cual ta duna e impresion cu nan a contagia via contacto cercano durante relacion sexual.

E region di Flanders na Belgica a introduci un periodo di isolacion obligatorio di 21 dia pa personanan infecta cu e virus. Expertonan a tuma e decision aki despues di a dialoga tocante e miho manera pa maneha e brote di e virus. Te cu awo, 2 caso di Monkeypox a keda registra den e parti Belgico aki cu ta papia Hulandes, pero e pareha di un di e pashentnan tambe ta demostrando sintomanan.

E blaarnan usualmente ta cuminsa na e cara y despues ta plama na otro partinan di curpa. Segun e gobierno, personanan cu un inmunidad reduci, muhenan na estado y muchanan tambe mester keda vigilante ademas di hendenan homber cu ta tene relacion sexual cu homber.

LEAVE A REPLY

Please enter your comment!
Please enter your name here